భీమ్లా నాయక్ vs ఆచార్య.. కొనసాగుతున్న సస్పెన్స్.. త్వరలోనే మరో మెగా సర్‌ప్రైజ్‌!

మెగాస్టార్ చిరంజీవి రామ్ చరణ్ కాంబో..

మెగాస్టార్ చిరంజీవి రామ్ చరణ్ కలిసి నటించిన మొదటి చిత్రం ఆచార్యపై జనాల్లో అంచనాలు ఏ స్థాయిలో ఉన్నాయో ప్రత్యేకంగా చెప్పనవసరం లేదు. కొరటాల దర్శకత్వంలో తెరకెక్కుతున్న ఈ భారీ మల్టీ స్టారర్ మూవీలో ఒక మంచి సందేశం తో పాటు మంచి కమర్షియల్ ఎలిమెంట్స్ కూడా హైలెట్ కానున్నాయి. తప్పకుండా సినిమా అన్ని వర్గాల ప్రేక్షకులను ఆకట్టుకునేలా ఉంటుందని ఇప్పటికే ఈ చిత్రం ద్వారా ఒక క్లారిటీ వచ్చేసింది. మెగాస్టార్ చిరంజీవి కూడా సరికొత్తగా కనిపిస్తుండడంతో ఈ సినిమా కోసం అభిమానులు ఎంతో ఆతృతగా ఎదురుచూస్తున్నారు.

ఆచార్య మదిలో రెండు తేదీలు

అసలైతే ఆచార్య సినిమాను ఈ ఏడాది సమ్మర్ లో విడుదల చేయాలని అనుకున్నారు. కానీ కరోనా వైరస్ వలన షూటింగ్ వాయిదా పడుతూ వచ్చింది. ఇక ఫైనల్ గా మూవీని వినాయక చవితి లేదా దసరా సమయంలో తప్పకుండా విడుదల చేయాలని అనుకున్నారు. కానీ కరోనా వైరస్ తో పాటు ఆంధ్రప్రదేశ్ లో టికెట్ల రేట్ల వివాదంపై ఎటూ తేలని పరిస్థితులు నెలకొనడంతో ఎటు తేల్చుకోలేకపోయారు. ఇక ఈ సినిమాను కుదిరితే అక్టోబర్ 13న ప్రేక్షకుల ముందుకు తీసుకురావచ్చని సమాచారం. లేదంటే సంక్రాంతి బరిలో జనవరి 12న వచ్చే అవకాశం ఉన్నట్లు తెలుస్తోంది.

పవర్ స్టార్ vs మెగా స్టార్

అంతా బాగానే ఉంది కానీ ఈ సంక్రాంతికి విడుదల అంటే మెగా అభిమానుల్లో కాస్త టెన్షన్స్ ఉండడం కామన్. ఎందుకంటే ఆ సమయానికి మహేష్ బాబు సర్కారు వారి పాట, ప్రభాస్ రాధే శ్యామ్ సినిమాలు విడుదలకు సిద్ధంగా ఉన్నాయి. ఆ విషయాలను పక్కన పెడితే మెగా పవర్ స్టార్ పవన్ కళ్యాణ్ కూడా సంక్రాంతి తేదీనే ఫిక్స్ చేసుకున్నాడు. రాణా తో కలిసి నటిస్తున్న భీమ్లా నాయక్ జనవరి 12 విడుదల అవుతున్న విషయం తెలిసిందే.

భీమ్లా నాయక్ కోసం మరొక డేట్

ఇక ఈ తేదీలను పక్కనపెడితే మరొక టాక్ ప్రకారం మెగాస్టార్ చిరంజీవి కోసం తమ్ముడు పవన్ కళ్యాణ్ తన విడుదల తేదీని త్యాగం చేసే అవకాశం ఉన్నట్లు కూడా తెలుస్తోంది. కుదిరితే భీమ్లా నాయక్ జనవరి 26వ తేదీ కి కూడా రావచ్చు అని కొన్ని రూమర్స్ అయితే వెలువడుతున్నాయి.ఎలాగైనా వీలైనంత త్వరగా విడుదల తేదీ లపై ఓ క్లారిటీ రావాలని మెగాస్టార్ చిరంజీవి ఇప్పటికే దర్శక నిర్మాతలతో చర్చలు జరిపాడు. ఆంధ్రప్రదేశ్ లో టికెట్స్ రేట్ల విషయంపై త్వరలోనే ముఖ్యమంత్రి వైఎస్ జగన్ మోహన్ రెడ్డితో చర్చలు జరపనున్నారు. ఆ విషయంలో ఏదో క్లారిటీ వచ్చిన అనంతరం మెగాస్టార్ చిరంజీవి ఆచార్య సినిమా పై కూడా క్లారిటీకి వచ్చే అవకాశం ఉన్నట్లు తెలుస్తోంది.

Recommended Video

Brandy Diaries ఇండియా లోనే ఫస్ట్ | 100% Alcohol Centric - Director Sivudu

మెగా బిగ్ ఫైట్..?

కొరటాల శివ దర్శకత్వంలో తెరకెక్కిన ఆచార్య సినిమా విడుదల తేదీపై ఆగస్టు 22న తుది నిర్ణయం తీసుకునే అవకాశం ఉన్నట్లు సమాచారం. ఇక మెగాస్టార్ చిరంజీవి ఆచార్య సినిమా సంక్రాంతికి విడుదల చేస్తే కనుక ఆ పోటీలో పవన్ కళ్యాణ్ సినిమా ఉండదని చెప్పవచ్చు. ఇక మహేష్ ప్రభాస్ సినిమాలతోపాటు మరో మెగా హీరో వరుణ్ తేజ్ వెంకటేష్ తో కలిసి నటించిన F 3 సినిమాతో సంక్రాంతికి రావాలని ఎప్పుడో ఫిక్స్ అయ్యాడు.

కామెడీ సినిమాలు నిర్మిస్తున్న దిల్ రాజు ఎలాగైనా సరే సంక్రాంతి సమయంలోనే F3ని విడుదల చేయాలని ఫిక్స్ అయ్యాడు ఆ సమయంలో పోటీ తీవ్రత ఎంత పెరిగినా కూడా ఎక్కువగా ఫ్యామిలీ ఆడియెన్స్ F3 సినిమా వైపు తిరిగే అవకాశం ఉందని అందులోనూ అనిల్ రావిపూడి తెరకెక్కించిన సినిమా కాబట్టి తప్పకుండా మంచి లాభాలను అందిస్తుందని ధైర్యం చేసి రిలీజ్ చేయనున్నారట. మరియు సంక్రాంతి బిగ్గెస్ట్ ఫైట్ లో ఎవరు ఏ స్థాయిలో అత్యధిక వసూళ్లను ఉంటారో చూడాలి