హెడ్‌లైన్స్ కోసం ఏదైనా రాసేస్తారా? రకుల్ ప్రీత్ సింగ్ ఫైర్.. హరీష్ శంకర్ అలా సపోర్ట్!

లాక్‌డౌన్ తర్వాత ఆరు హిందీలో సినిమాలతో

ఇటీవల కాలంలో రకుల్ ప్రీత్ సింగ్ టాలీవుడ్‌లో తక్కువ సినిమాలు చేస్తున్నారనే వాదన, అభిప్రాయం మొదలైంది. అందుకు కారణం హిందీ సినిమా ప్రాజెక్టులకు ఓకే చెప్పడమే. లాక్‌డౌన్ తర్వాత దాదాపు అరడజన్ హిందీ సినిమాలను అంగీకరించిందనే వార్తలు బాలీవుడ్ మీడియాలో కథనాలు వచ్చాయి.

ఏదైనా రాసేస్తారా? అంటూ రకుల్

అయితే హైదరాబాద్‌కు చెందిన ఆంగ్ల దినపత్రిక తన కథనంలో రకుల్ ప్రీత్ సింగ్ గురించి వెల్లడిస్తూ... తెలుగు సినిమాల్లో తనకు ఆఫర్లు రావడం లేదు. అందుకే సినిమాలు చేయడం లేదు అంటూ ఆమె చెప్పినట్టు ఓ వార్త ప్రచురితమైంది. ఆ వార్తను చూసిన రకుల్ తన ట్విట్టర్‌‌లో షేర్ చేసి ఆశ్చర్యాన్ని వ్యక్తం చేసింది. హెడ్‌లైన్స్ కోసం ఏదైనా రాసేస్తారా అంటూ రకుల్ హ్యాష్ ట్యాగ్‌తో ఫైర్ అయ్యారు.

ఏడాదికి 365 రోజులే..

రకుల్ ప్రీత్ సింగ్ స్పందిస్తూ.. నేను ఎప్పుడు? ఎక్కడ ఇలాంటి మాటలు చెప్పలేదే అన్నట్టు పేర్కొన్నారు. తాను అలాంటి మాటలు ఎక్కడా చెప్పలేదంటూ స్పష్టం చేశారు. ఫ్రెండ్స్ మనకు కేవలం 365 రోజులు మాత్రమే ఉన్నాయి. సంవత్సరంలో నేను ఆరు సినిమాలు చేస్తున్నాను. ఒకవేళ ఆరు సినిమాలకు మించి ఎవరైనా డేట్స్ అడ్జస్ట్ చేయగలిగితే చెప్పండి.. నేను ఎన్ని సినిమాలైనా చేయడానికి సిద్దం. ఆ విషయంలో మా టీమ్‌కు సహకరించండి అంటూ రకుల్ ట్వీట్‌లో పేర్కొన్నారు.

రకుల్‌కు సపోర్ట్‌గా హరీష్ శంకర్

ఇదిలా ఉండగా, రకుల్ ప్రీత్ సింగ్ గురించి డైరెక్టర్ హరీష్ శంకర్ ఆసక్తికరమైన ట్వీట్ చేశారు. అవును రకుల్ ప్రీత్ గురించి నాకు బాగా తెలుసు. నా స్నేహితుడు ఆమె డేట్ల కోసం చాలా కష్టపడ్డాడు. ఆమె బిజీగా ఉండటంతో ఆ సినిమాను వాయిదా వేసుకొన్నాడు. రకుల్ మంచి సినిమాలు చేసి అందర్నీ ఆకట్టుకోవాలి.. ఆమె వర్క్ అందరూ ప్రశంసించాలి అంటూ హరీష్ తన ట్వీట్‌లో పేర్కొన్నారు.

Recommended Video

Rakul Preet Singh Revealed Her Role In Director Krrish Movie ​| Filmibeat Telug

రకుల్ ప్రీత్ సింగ్ సినీ కెరీర్ ఇలా

ఇక రకుల్ ప్రీత్ సింగ్ సినిమా కెరీర్ విషయానికి వస్తే... ఇటీవల అంటే సెకండ్ వేవ్‌కు సంబంధించిన లాక్‌డౌన్‌కు ముందు నితిన్‌తో కలిసి చెక్ చిత్రంలో నటించారు. ప్రస్తుతం క్రిష్ దర్శకత్వంలో పంజా వైష్ణవ్‌ తేజ్‌తో ఓ చిత్రంలో నటించారు. ఈ చిత్రం త్వరలోనే ప్రేక్షకుల ముందుకు రానున్నది. అలాగే హిందీలో ఆమె నటించిన సర్దార్ కా గ్రాండ్ సన్ ఇటీవలే ఓటీటీలో రిలీజైంది. ఇకాం ఆయాలాన్, ఎటాక్, మేడే, థ్యాంక్స్ గాడ్, ఇండియన్ 2 చిత్రాల్లో నటించేందుకు ఒప్పుకొన్నారు. అలాగే దిల్ హై దీవానా అనే మ్యూజిక్ ఆల్బమ్‌లో అర్జున్ కపూర్‌తో కలిసి కనిపించారు.