సినిమా షూటింగ్ మీద ముస్లిం ఆందోళనకారుల దాడి

ప్రముఖ హాలీవుడ్ నాయిక, టామ్ క్రూజ్ జీవిత భాగస్వామి క్యాటీ హాల్మస్ తాజాగా నటిస్తున్న చిత్రం సన్ ఆఫ్ నో వన్(Son of No One). ఇటీవల ఈ సినిమా షూటింగ్ న్యూయార్క్ లో జరుగుతుందగా కొంత మంది ముస్లిం ఆందోళనకారులు షూటింగును ఆపేందుకు ప్రయత్నించారు. వెంటనే ఈ సినిమా షూటింగు ఆపేయాలని నిరసన ప్రదర్శనలు చేసారు.

ఈ వివాదానికి కారణం ఈ సినిమాలో ఓ చోట ముస్లింల పవిత్ర గ్రంథం ఖురాన్ ను అవమానించేలా వుందని ముస్లింలు భావించడమే. ఈ ఘటనతో ఖంగుతిన్న నిర్మాత వెంటనే వారికి క్షమాపనలు చెప్పి ఆ సన్నివేసంలో కావాలని ఖురాన్ ను అవమానించేలా చిత్రీకరించలేదని చెప్పాడట. అంతే కాదు అవసరమయితే ఈ సన్నివేశాన్ని తొలగిస్తానని చెప్పడంతో ఆందోళనకారులు శాంతించారు. ఇలాంటి ఆందోళనలు టాలీవుడ్ కు కూడా కొత్తేం కాదు. ఇటీవల విడుదలయిన అదుర్స్ సినిమాలో ఓ పాట బ్రాహ్మనులను కించపరిచేలా వుందని లిరిక్స్ మార్చిన సంగతి తెలిసిందే. అయితేనేం ఈ సినిమా ఘనవిజయం సాధించడానికి ఈ వివాదాలు బాగా సహకరించాయి.