హీరోయిన్లకు నరకయాతన.. అనుభవించిన బాధలు బయటపెట్టాలి.. క్యాస్టింగ్ కౌచ్‌పై గౌతమి

పాలిటిక్స్ గురించి మాట్లాడటానికి

దాదాపుగా 20 ఏళ్ల నుంచి బీజేపీలో ఉన్నాను. ప్రస్తుతం రాజకీయపరంగా ఎలాంటి కార్యచరణ లేదు. మాట్లాడటానికి పెద్దగా విషయం లేదు. సమాజానికి మంచి జరిగే విషయాలపై స్పందిస్తున్నాను. నా కమిట్‌మెంట్ ఏంటో అనేది త్వరలోనే చెబుతాను.

పరిశ్రమను వదిలి వెళ్లలేదని

సినిమా పరిశ్రమకు దూరంగా ఉంటే సెకండ్ ఇన్సింగ్ గురించి అని చెప్పేదానిని. కానీ నేను ఎప్పడూ వదిలి వెళ్లలేదు. నా దృష్టిలో ఫస్ట్ ఇన్నింగ్సే కంటిన్యూ అవుతున్నది. నేను తెరపైన కనిపించలేదు కానీ.. కెమెరా వెనుక చాలా రకాలుగా పనిచేశాను.

నా జీవితం సినీ ఇండస్ట్రీతోనే

జ్యోతిక, లిజి, నదియా మళ్లీ సెకండ్ ఇన్నింగ్ ప్రారంభించడం మంచి పరిణామం. నేను కూడా త్వరలో తెరపైన కనిపించే అవకాశం ఉంది. అందుకు సంబంధించిన విషయాలు ఓ కొలిక్కిరానున్నాయి. నా జీవితం ఇండస్ట్రీతోనే ముడిపడి ఉంది.

నరకయాతన గురించి

క్యాస్టింగ్ కౌచ్ గురించి మాట్లాడుతూ.. ఏ విషయమైనా.. బాధ కలిగించిన దేనినైనా అడ్రస్ చేయాలి. నాకు గతి లేదు, నా వెనుక ఎవరూ లేరు అనే విషయాన్ని పట్టించుకోకుడదు. అలా ఆలోచించుకొని చాలా మంది చాలా రకాలుగా నరకయాతన అనుభవిస్తున్నారు.

బాధ కలిగించే ప్రతీ విషయాన్ని

పరిశ్రమలో ఎలాంటి రూపంలో ఎలాంటి వేధింపులకు గురైనా వాటిని బయపెట్టాలి. అలాంటి వాటిని ఖండించాలి. ప్రతీ రంగంలో ఇలాంటి వేధింపులు ఉన్నాయి. శారీరకంగానే కాకుండా మానసికంగా, ఆర్థికంగా, రకరకాల రూపంలో ఉన్నాయి. అన్యాయాన్ని బయట పెట్టడానికి ధైర్యం చేస్తున్న ప్రతీ ఒక్కరిని చూస్తే సంతోషంగా ఉంది.