రాజుగాడు వింత వ్యాధితో భాధపడుతుంటాడు - రాజ్ తరుణ్

సంజనా రెడ్డి చాలా చక్కగా తెరకెక్కించింది.

నేను ఏకే ఎంటర్టైన్మెంట్స్ బ్యానర్ లో చేస్తున్న నాలుగో చిత్రమిది. సంజనా రెడ్డి చాలా చక్కగా తెరకెక్కించింది. హీరో క్యారెక్టరైజేషన్, రాజేంద్రప్రసాద్ గారి కామెడీ ప్రత్యేక ఆకర్షణలుగా నిలవనున్నాయి. సంజనా రెడ్డి నూతన దర్శకురాలు అయినప్పటికీ చక్కగా ఈ సినిమాను తెరకెక్కించడం జరిగింది.

క్లెప్టోమేనియా అనే వింత వ్యాధితో

రాజుగాడు సినిమాలో హీరో క్లెప్టోమేనియా అనే వింత వ్యాధితో భాధపడుతుంటాడు. ఈ వ్యాధి లక్షణం ఏంటంటే.. తనకు తెలియకుండానే తన చెయ్యి దొంగతనం చేయడం. ఇది ఒకరకంగా వింత జబ్బు అనాలి. ఈ జబ్బు బయట చాలా మందికి ఉంటుంది.

అందుచేత సినిమాకు రాజుగాడు టైటిల్

సినిమాలో హీరో పేరు రాజు కావడంతో అందరు రాజుగాడు అని పిలుస్తూ ఉంటారు. అందుచేత సినిమాకు రాజుగాడు టైటిల్ పెట్టడం జరిగింది. సినిమా మొత్తం ప్రేక్షకులను నవ్విస్తుంది. ఎక్కడా బోర్ కొట్టకుండా హాయిగా నవ్వుకొని వెళ్ళే సినిమా రాజుగాడు.

నేను రాజేంద్రప్రసాద్ కలిసి నటించాం

గతంలో నేను రాజేంద్రప్రసాద్ కలిసి నటించాం. రాజుగాడు సినిమా విషయానికి వస్తే... ఈ సినిమాలో పూర్తి స్థాయిలో మా కాంబినేషన్ వర్క్ అవుట్ అయ్యింది. సినిమా మొత్తం ఆయన ఉంటాడు. మా మధ్య వచ్చే సన్నివేశాలు సరదాగా ఉంటాయి.

కలిసి నటించడం మొదటిసారి

రాజుగాడు సినిమాలో అమైరా దస్తూర్ హీరోయిన్ గా నటిస్తుంది. తనతో నేను కలిసి నటించడం మొదటిసారి. పరిచయం లేదుకావున సినిమా షూటింగ్ మొదలైన కొన్ని రోజులు మాట్లాడుకోలేదు. తరువాత బాగా కలిసిపోయాం. షూటింగ్ కి తను కరెక్ట్ టైం కి వచ్చేది.

మంచి సినిమాలు చెయ్యాలి

సినిమాలు సక్సెస్ లో ఉన్నప్పుడు పెద్దగా ఆలోచన చెయ్యము. సక్సెస్ రేట్ తగ్గే కొద్ది మంచి సినిమాలు చెయ్యాలి అనిపిస్తుంది. టైం తీసుకొని బెస్ట్ స్క్రిప్ట్ లాక్ చెయ్యాలని ఉంటుంది. నా కెరీర్ లో రాజుగాడు సినిమా మంచి విజయం సాధిస్తుందని నమ్మకం ఉంది.

కుమారి 21ఎఫ్ డైరెక్టర్

రాజుగాడు సినిమా తరువాత లవర్ విడుదల కానుంది. కుమారి 21ఎఫ్ డైరెక్టర్ సూర్య ప్రతాప్ పల్నాటి దర్శకత్వంలో ఒక సినిమా చెయ్యబోతున్నాను. లవ్ అండ్ ఫ్యామిలీ ఎంటర్టైనర్ గా ఆ సినిమా ఉండబోతోంది.