నిశబ్ధం

నిశబ్ధం సినిమా హర్రర్, థ్రిల్లర్ జానర్ లో తెరకెక్కిస్తున్నారు ఇందులో అనుష్క శెట్టి, మాధవన్, అంజలి, శాలిని పాండే, శ్రీనివాస్ అవసరాల, సుబ్బరాజు, మైఖేల్ మ్యాడ్ సన్ తదితరులు నటిస్తున్నారు. ఈసినిమాకి హేమంత్ మధుకర్ వహిస్తున్నారు, కోనవెంకట్, టీజీ విశ్వప్రసాద్, వివేక్‌ కూచిబొట్ల సంయుక్తంగా నిర్మిస్తుస్తున్నారు. ఈ చిత్రానికి సంగీతం గోఫిసుందర్ అందిస్తున్నారు.  కథ పుట్టుకతో మూగ, చెవుడు యువతి సాక్షి (అనుష్కశెట్టి) అద్భుతమైన పెయింటర్. ఆంథోని (ఆర్ మాధవన్) గొప్ప సంగీతకారుడు. ఇద్దరిలోని ప్రతిభ ఒకరికి మరొకరు దగ్గరయ్యేలా చేస్తుంది. ఎంగేజ్‌మెంట్ తర్వాత సాక్షి స్నేహితురాలు (సొనాలి) అదృశ్యం అవుతుంది. ఆ క్రమంలో అనూహ్య పరిస్థితుల్లో ఆంథోని హత్యకు గురవుతాడు. ఆంథోని హత్య మిస్టరీగా మారడంతో ఆ కేసును ఛేదించడానికి పోలీసు ఉన్నతాధికారి కెప్టెన్ రిచర్డ్ (కిల్ బిల్ ఫేం మైఖేల్ మ్యాడ్సన్) సహాయంతో మరో పోలీసు అధికారి మహాలక్ష్మి (అంజలి) రంగంలోకి దిగుతుంది. ఆంథోని మరణానికి కారణమేమిటి? ఆంథోనిని ఎవరు? ఎందుకు చంపారు? ఆంథోని హత్యలోని మిస్టరీని మహాలక్ష్మి ఛేధించిందా? ఆంథోని హత్యకేసులో కెప్టెన్ రిచర్డ్ పాత్ర ఏంటి? సొనాలి అదృశ్యం వెనుక కారణాలు ఏమిటి? అదృశ్యమైన సోనాలి గురించి వివేక్ (సుబ్బరాజు) ఎందుకు ఆవేదన చెందుతాడు? తన ప్రాణ స్నేహితురాలు సొనాలి తప్పిపోయిన తర్వాత సాక్షి ఎలాంటి నిర్ణయం తీసుకొన్నది? లాంటి ప్రశ్నలకు సమాధానమే నిశ్శబ్దం సినిమా కథ.