టక్కర్

టక్కర్ సినిమా యాక్షన్, థ్రిల్లర్ ఎంటర్టైనర్ చిత్రం ఇందులో సిద్ధార్థ్, దివ్యంశ కౌశిక్, అభిమన్యు సింగ్, మోగి బాబు ముఖ్య పాత్రల్లో నటించారు. ఈ సినిమాకి కార్తిక్ జీ క్రిష్ దర్శకత్వం వహించారు. నిర్మాత టి జి విశ్వ ప్రసాద్ నిర్మించారు. నివాస్‌ కె.ప్రసన్న ఈ చిత్రానికి స్వరాలు సమకూర్చారు.  కథ పేద కుటుంబానికి చెందిన గుణశేఖర్ (సిద్దార్థ్) జీవితంలో అనునిత్యం ఫ్రస్టేషన్‌తో ఉంటాడు. బాగా డబ్బు సాధించాలనే ఏకైక కోరికతో ఊరు విడిచి వైజాగ్ వెళ్తాడు. రకరకాల ఉద్యోగాలు చేస్తూ అవమానాలకు గురి అవుతాడు. డ్రైవర్‌గా పనిచేసే గుణ అనుకోని పరిస్థితుల్లో కిడ్నాప్, మాఫియా ముఠాతో ఎదురు పడాల్సి వస్తుంది. అలాంటి క్రమంలో కిడ్నాప్ గురైన లక్కీ (దివ్యాంశ కౌశిక్)ను కలుసుకొంటాడు. ఆమెతో కలిసి గమ్యం లేని ప్రయాణం చేస్తుంటాడు. డబ్బు సంపాదించాలనే కోరికతో ఉన్న గుణశేఖర్‌కు ఎలాంటి సమస్యలు ఎదురయ్యాయి? రకరకాల ఉద్యోగాలు చేసిన ఆయనకు ఎలాంటి చేదు అనుభవాలు ఎదురయ్యాయి. లక్కీ కలిసిన తర్వాత గుణశేఖర్ జీవితంలో ఏదైనా మార్పు వచ్చిందా? లక్కీతో గుణశేఖర్ ప్రయాణం ఎలా సాగింది. లక్కీతో ప్రయాణం తర్వాత డబ్బు సర్వస్వం అనే అభిప్రాయం మారిందా? కిడ్నాప్ గురైన లక్కీని కాపాడడా? లేదా డబ్బు కోసం కిడ్నాపర్లకు పట్టించాడా? లక్కీకి గుణ తన ప్రేమను చెబితే ఒప్పుకొన్నదా? అనే ప్రశ్నలకు సమాధానమే టక్కర్. రిలీజ్   ఈ సినిమా జూన్‌ 9న తెలుగు, తమిళ భాషల్లో ఒకేసారి విడుదలైంది.  ట్రైలర్   ఇందులో సిద్ధార్థ్ డబ్బు అంటే వ్యామోహముండే యువకుడి పాత్రలో కనిపించనున్నారు. సినిమాలో డైలాగ్స్ ఆకట్టుకుంటున్నాయి. ఆశే ఈ లోకాన్ని నడిపిస్తుంది. అదే ఆశ మన లైఫ్‌ను నిర్ణయిస్తుంది. ఆ ఆశను నెరవేర్చుకోవడానికి ధనమే ఇంధనం. దాన్ని సంపాదించుకోడానికి ఒక్కొక్కడిదీ ఒక్కో దారి.. ఆ దారి అందరికీ ఒకటే అయినప్పుడు.. అంటూ సిద్ధార్థ్ తనను తాను పరిచయం చేసుకునే సంభాషణ ఆసక్తికరంగా అనిపిస్తుంది.