పవిత్రా లోకేష్‌తో నాలుగో పెళ్లి.. నా మూడు పెళ్లిళ్ల బ్రేకప్ వెనుక కారణాలు అవే.. వీకే నరేష్

పెళ్లిళ్లు పెటాకులు అందుకే

ఒకప్పుడు కుటుంబ, దాంపత్య కలహాలను తీర్చేందుకు ఒక ఫ్యామిలీ కోర్టు ఉండేది. కానీ ఇప్పుడు ఏడు, ఎనిమిది ఫ్యామిలీ కోర్టులు వచ్చాయి. ఒకప్పుడు జీవితం వేరు.. ఇప్పటి దాంపత్య జీవితం వేరు. ఒకప్పుడు ఉమ్మడి కుటుంబం ఉండేది. ఇప్పుడు సింగిల్ కపుల్ లైఫ్ ఉంటుంది. ఒకప్పుడు ఒక్క టీవీ ఉంటే సరిపోయేది. ఇప్పుడు రెండు టీవీలు, రెండు వాహనాలు ఇలా వ్యక్తిగత అభిరుచులు పెరిగిపోయాయి. ఇవన్నీ సమాజంపై ఒత్తిడి పెరిగిపోయాయి. అందుకే పెళ్లిళ్లు పెటాకులు అవుతున్నాయి అని వీకే నరేష్ అన్నాడు.

మూడు పెళ్లిళ్లతో ముగ్గురు సంతానం

నా వరకు వస్తే.. నేను చాలా సున్నితమైన వ్యక్తిని. నా జీవితంలో చోటు చేసుకొన్న విడాకుల వ్యవహారంలో ఎవరినీ తప్పు పట్టను. అప్పడు ఉన్న సామాజిక, ఆర్థిక, రాజకీయ పరిస్థితుల ప్రభావం నా దాంపత్య జీవితంపై ఉండేది. నా మాజీ భార్యలతో ఫ్రెండ్లీ రిలేషన్స్ ఉన్నాయి. నా పిల్లలు నాతోనే ఉన్నారు. నా మూడు పెళ్లిళ్ల ముగ్గురు పిల్లలు కలిగారు అని వీకే నరేష్ తెలిపారు.

మొదటి భార్యతో విడాకులు

నా మొదటి పెళ్లి నా వయసు 19 ఏళ్ల వయసులో జరిగింది. ఆ వయస్సులో పెళ్లి అంటే ఏమిటో తెలియదు. మా అమ్మ ఆరోగ్యం, ఇతరత్రా కారణాలతో చిన్న వయసులోనే పెళ్లి చేసుకోవాల్సి వచ్చింది. అయితే వ్యక్తిగత విభేదాల వల్ల మొదటి భార్యతో విడాకులు తీసకొన్నాను. ఆ తర్వాత పెళ్లి చేసుకోవద్దని అనుకొన్నాను. ఆధ్మాత్మిక, సమాజ సేవలో ఉండిపోయాను. కానీ మనం ఒకటి తలిస్తే..దేవుడు ఒకటి తలుస్తాడు అనే విధంగా రెండో పెళ్లి జరిగింది అని వీకే నరేష్ చెప్పారు.

రెండు, మూడు పెళ్లిళ్లు బ్రేకప్

ఆ తర్వాత నా రెండో పెళ్లి అనుకోకుండా జరిగింది. నా రెండో భార్య నా కుటుంబ విలువలు, నా సిద్దాంతాలు, ఆలోచనలకు అనుగుణంగా ఉండేది. నా తల్లికి కూడా చాలా ఇష్టం ఉండేది. దాని వల్ల సామాజిక సేవకు కూడా తోడ్పాటు అందించేది. అయితే అనుకోకుండా రెండో వివాహం కూడా బ్రేకప్ అయింది. కానీ మా మధ్య స్నేహపూరితమైన వాతావరణం ఉంది అని వీకే నరేష్ తెలిపారు. మూడో పెళ్లి రమ్యతో కూడా అనుకొని పరిస్థితుల్లో బ్రేకప్ అయింది అని అన్నారు.

పవిత్రా లోకేష్‌ను లిప్ లాక్ చేసి పెళ్లి ప్రకటన

నా మూడో వివాహం బ్రేకప్ తర్వాత పవిత్రా లోకేష్‌తో పరిచయం జరిగింది. మా మధ్య పరిచయం మానసికంగా దగ్గర చేసింది. నాకు తోడు, నీడుగా ఉంటుందనే భావన కలిగింది. అందుకే నేను పవిత్రా లోకేష్‌తో ట్రావెల్ అయ్యాను. త్వరలోనే పెళ్లి చేసుకొంటానని.. తాజాగా ఆమెకు లిప్‌లాక్ చేసి పెళ్లి వార్తను అందించారు.