పవన్ ఫ్యాన్స్ కి బన్ని ఇచ్చిన క్లాస్ కు రెస్పాన్స్ ఏంటి?

కారణం మీరే

''మీరు ప్రతీసారి పవర్‌స్టార్ అని అరిచినప్పుడు దాని గురించి నేను మాట్లాడకపోవడానికి కారణం పవర్‌స్టార్ కాదు. మీరే. అని బన్ని తేల్చి చెప్పారు

చాలా ఇబ్బంది పెడుతున్నారు

కొంత మంది అభిమానులు పబ్లిక్ ఫంక్షన్ పెట్టినప్పుడు పవర్‌స్టార్ అని అరుస్తూ చాలా ఇబ్బంది పెడుతున్నారు'' అని బన్నీ అన్నారు.

డిస్ట్రబ్ చేస్తున్నారు

''ఇలాంటి ఫంక్షన్‌కు వచ్చినప్పుడు సినిమాకు సంబంధించినవాళ్ళు పర్సనల్‌గా ఏదో చెప్పుకోవాలనుకుంటారు.కానీ మీరు 'పవర్‌స్టార్', 'పవర్‌స్టార్' అని అరిచి వాళ్లను డిస్టర్బ్ చేయడంతో వాళ్లు యాంత్రికంగా మాట్లాడి వెళ్ళిపోతారు.

పెద్ద డైరక్టర్ మాట్లాడుతూంటే...

అంతవరకూ ఎందుకు? ఓ పెద్ద డెరైక్టర్ సినిమా తీసి మాట్లాడుతుంటే, అక్కడ పవన్‌కల్యాణ్ అని అరిచారు. అయినా వేరే హీరో ఫంక్షన్స్‌లో మనల్ని మనం తక్కువ చేసుకోవడం ఎందుకని నా ఫీలింగ్.

మీవాళ్ల గోలేంటి

ఇదే విషయాన్ని నాకు బాగా తెలిసిన వ్యక్తి 'మా వాళ్ల ఫంక్షన్‌లో మీ వాళ్ల గోలేంటి' అని అడిగారు.చాలా బాధ అనిపించింది.

తప్పులేదు కానీ..

మన పాటల వేడుకల్లో అల్లరి చేయండి.. తప్పు లేదు. కానీ, వేరే హీరోల వేడుకల్లో కూడా ఇలా చేయడం కరెక్ట్ కాదు.

ఎంత ఇబ్బంది

తానింత స్థాయికి రావడానికి కారణం చిరంజీవిగారే అని పవన్‌కల్యాణ్‌గారే చాలాసార్లు చెప్పారు. కానీ, చిరంజీవిగారు మాట్లాడుతున్నప్పుడు 'పవర్‌స్టార్' అని అరిస్తే ఆయనకెంత ఇబ్బందిగా ఉంటుందో?

అందుకే డిసైడ్

అప్పటినుంచి నేను పవన్‌కల్యాణ్‌గారి గురించి మీరెంత అడిగినా మాట్లాడకూడదని డిసైడయ్యాను.

హర్ట్ అయ్యాం

మీరు నా వల్ల బాధపడుంటారని తెలుసు. కానీ, మీ వల్ల మా ఫ్యామిలీ చాలాసార్లు హర్ట్ అయింది.

పెద్దదైంది

నేను ఒక వివాదాన్ని తప్పించుకోవడానికి మీడియా ముందు మాట్లాడ లేదు. కానీ అదే పెద్ద వివాదమైంది.

ఇష్టమే..

నాకు పవన్‌కల్యాణ్ అంటే ఇష్టమే. చిరంజీవిగారి తర్వాత నన్ను ప్రోత్సహించింది ఆయనే.

మాట్లాడలేను

‘‘మీరంతా ఎంతగా అరిచినా పవన్‌కల్యాణ్‌ గురించి నేను మాట్లాడను... మాట్లాడలేను. ఆయన మీద ఉన్న ఇష్టాన్ని గతంలో ఎన్నోసార్లు చెప్పాను.ఇంకా కొత్తగా చెప్పాల్సిన పనిలేదు. సినీరంగంలో చిరంజీవి తర్వాత నన్ను సపోర్ట్‌ చేసింది పవన్‌కల్యాణే'' అన్నారు.

ఇక ఆపండి

చాలా రోజులుగా సోషల్ మీడియాలో గ్రూపులుగా విడిపోయి మాటల యుద్ధంలోకి దిగారు. ప్లీజ్.. దీన్ని ఆపండి. మీరందరూ సోషల్ మీడియాలో గ్రూప్‌లు కావచ్చు. కానీ మేమందరం ఓ ఫ్యామిలీ. దయచేసి ఇక నుంచి ఇలాంటివి చేయద్దు'' అని ఆవేదన వ్యక్తం చేశారు బన్నీ.

అపార్దాలే

ఫ్యామిలీకి సంబంధించిన ఈ అంశంపై ఏం మాట్లాడినా అపార్థాలే వస్తున్నాయని... అభిమానులు కేకలు వేస్తూ.. తనను వంద రెట్లు హర్ట్‌ చేశారన్నారు.

బాధించాయి

సోషల్‌ మీడియాలో వస్తోన్న అనేక కామెంట్లు తనను చాలా బాధించాయని ఆవేదనగా చెప్పారు. అలాంటి కామెంట్లు చేయొద్దని పవన్‌ను, తనను ఇష్టపడే అభిమానులకు విజ్ఞప్తి చేస్తున్నట్లు పేర్కొన్నారు.

మచ్చ వస్తోంది

అలాంటి కామెంట్లతో తమ కుటుంబానికి ఇబ్బంది వస్తుందని.. తన మూలంగా అందరికీ మచ్చరావడం ఇష్టం లేదన్నారు.

ఆశిస్తున్నా

అభిమానులంతా మంచి ప్రవర్తనతో మెలుగుతూ తనను అర్థం చేసుకుంటారని అల్లు అర్జున్‌ ఆశాభావం వ్యక్తం చేశారు.