భోగీ వేడుకల్లో అల్లు అర్జున్‌ (ఫొటో)

హైదరాబాద్‌ : అల్లు అర్జున్‌ తెల్లవారుజామున భోగీ మంటలు వేసి తన అభిమానులందరికి 'భోగీ' శుభాకాంక్షలు తెలిపారు. తన ఆఫిషియల్‌ ఫేస్‌ బుక్‌ ఖాతా ద్వారా ఆయన తన అభిమానులకు శుభాకాంక్షలు తెలిపారు.

అల్లు అర్జున్ తాజా చిత్రం విషయానికి వస్తే...

అల్లు అర్జున్, బోయపాటి శీను కాంబినేషన్‌లో రూపొందుతున్న చిత్రం సరైనోడు. ఈ చిత్రం ఆడియో ఫంక్షన్ ని లవర్స్ డే రోజు అనగా ఫిబ్రవరి 14 న జరిపేందుకు దర్శక నిర్మాతలు ప్లాన్ చేస్తున్నట్టు సమాచారం. అలాగే ఈ చిత్ర ఫస్ట్‌లుక్, టీజర్‌ను సంక్రాంతి కానుకగా జనవరి 14 న విడుదల చేయనున్నారు.

ఈ చిత్రంలో బన్నీ ఇప్పటివరకూ కనిపించనటువంటి మాస్ లుక్‌లో కనిపించనున్నారు. అలాగే ఈ చిత్రం లేటెస్ట్ షెడ్యూల్ జనవరి 24 నుండి హైదరాబాద్‌లో జరగనుంది. క్లైమాక్స్ ను భారీగా చిత్రీకరించేందుకు బోయపాటి ప్లాన్ చేస్తున్నారు.

గీతా ఆర్ట్స్ బ్యానర్‌పై అల్లు అరవింద్ నిర్మాణంలో తెరకెక్కుతున్న ఈ చిత్రంలో హీరోయిన్‌లుగా రకుల్ ప్రీత్ సింగ్, కేథరిన్ థెస్రాలు నటించనుండగా, దిశా పటానీ ఐటెం సాంగ్‌లో మెరవనుంది. ఈ చిత్రాన్ని సమ్మర్‌లో విడుదల చేయాలని చిత్ర యూనిట్ భావిస్తున్నట్టు సమాచారం. ఇక ఈ చిత్రానికి థమన్ సంగీతం అందిస్తున్నారు.