హోమ్

న్యూస్

హైదరాబాద్‌: ప్రముఖ నిర్మాత అల్లు అరవింద్‌ రెండో కుమారుడు అల్లు శిరీష్‌, హాస్య నటుడు ఆలీ, దర్శకుడు పరశురాంలు ఓ చిత్ర షూటింగ్‌ సందర్భంగా సరదాగా తీసుకున్న ఓ ఫొటోని ఆలీ తన ఫేస్‌బుక్‌ ఖాతా ద్వారా అభిమానులతో పంచుకున్నాడు.

గౌరవం, కొత్త జంట చిత్రాల్లో నటించిన అల్లు శిరీష్‌ ప్రస్తుతం పరుసరామ్ దర్శకత్వంలో రూపొందుతున్న చిత్రంలో బిజీగా ఉన్నారు. ఆ సినిమాలోదే ఈ స్టిల్. అల్లు అరవింద్ ఈ చిత్రం నిర్మిస్తున్నారు. ఇందుకోసం అల్లు శిరీష్ ...సిక్స్ ప్యాక్ కూడా చేసారు. ఈ చిత్రాన్ని ప్రతిష్టాత్మకంగా అల్లు అరవింద్ భావించి రూపొందిస్తున్నారు. పూర్తి ఫ్యామిలీలను టార్గెట్ చేసే విధంగా పరుశరామ్ ఈ చిత్రాన్ని రూపొందించాడని తెలుస్తోంది.

అల్లు శిరీష్ తాజా చిత్రం విషయానికి వస్తే... గౌరవం చిత్రంతో హీరోగా ఎంట్రీ ఇచ్చిన మెగా ఫ్యామిలీ హీరో అల్లు శిరీష్‌కు ఆ చిత్రం పెద్దగా కలిసిరాలేదు. ఆ తరువాత క్రేజీ దర్శకుడు మారుతి దర్శకత్వంలో వచ్చిన కొత్తజంటతో కూడా ఆకట్టుకోలేకపోయాడు. కనీసం ఈసారైనా హీరోగా తన సత్తా చాటాలని రెడీ అయ్యాడు శిరీష్.

కొత్త లుక్‌తో కనిపించడం కోసం జిమ్‌లో కుస్తీలు పడుతున్నాడు. శిరీష్ హీరోగా నటించే ఈ చిత్రానికి సోలో ఫేమ్ పరశురామ్ దర్శకత్వం వహిస్తున్నాడు. గీతా ఆర్ట్స్ బ్యానర్‌లో రూపొందే ఈ సినిమాలో హీరోయిన్‌గా త్రిదా చౌదరి ఎన్నికైనట్టు తెలిసింది. ఈమె సూర్య వర్సెస్ సూర్యలో హీరోయిన్‌గా నటించింది.

అలాగే.. త్వరలో నిర్వహించనున్న ఐఫా ఉత్సవం అవార్డ్స్‌ ప్రధానోత్సవంలో తెలుగు విభాగానికి అల్లు శిరీష్‌ వ్యాఖ్యాతగా వ్యవహరిస్తున్నారు.