మంచు మనోజ్ వెడ్డింగ్: సంగీత్ వేడుకలో స్టార్ల సందడి (ఫోటోస్)

By Bojja Kumar

Published: Monday, May 18, 2015, 11:53 [IST]

హైదరాబాద్: మంచు మనోజ్-ప్రణతి రెడ్డి పెళ్లికి మరో రెండు రోజులు మాత్రమే ఉంది. ఈ నేపథ్యంలో మంచు వారి ఇంట పెళ్లి వేడుక సంబరాలు అంబరాన్నంటాయి. తాజాగా పెళ్లికి ముందు నిర్వహించే సంగీత్ సెర్మీ పార్క్ హయత్ హోటల్ లో గ్రాండ్ గా జరిగింది. ఈ వేడుకకు పలువురు సినీతారలు హాజరై సందడి చేసారు. డాన్స్ చేసి అదరగొట్టారు.

గత పది రోజుల నుండి పెళ్లి సంబరాలు జరుగుతున్నాయి. ప్రస్తుతం టాలీవుడ్లో ఎక్కడ చూసినా మంచు మనోజ్ పెళ్లి వేడుక గురించే చర్చించుకుంటున్నారు. అంతగ్రాండ్ గా వేడుక నిర్వహిస్తున్నారు. ఇటీవల మనోజ్ కు నలుగు పెట్టే కార్యక్రమం, పెళ్లి కొడుకును చేసే వేడుక సందడిగా సాగింది. తెలుగు ఇండస్ట్రీ బిగ్ షాట్స్ చిరంజీవి, బాలకృష్ణ తదితరులు హాజరై మనోజ్ ను ఆశీర్వదించారు.

ఈ నెల 20వ తేదీ ఉదయం 9.10 గంటలకు మనోజ్-ప్రణతి వివాహం జరుగబోతోంది. అంతకంటే ముందు లక్ష్మి మంచు ఇంట్లో మెహందీ సెర్మనీ నిర్వహించనున్నారు. హైటెక్స్ వివాహ వేడుక గ్రాండ్ గా జరుగబోతోంది. ఈ పెళ్లి వేడుకకు దాదాపు 10వేల మందికి పైగా అథితులు హాజరవుతారని సమాచారం. అందుకు తగిన విధంగా ఏర్పాట్లు చేస్తున్నారు.

సంగీత్ కార్యక్రమానికి సంబంధించిన ఫోటోలు స్లైడ్ షోలో