వరుణ్ తేజ్ మూవీ ఇంత భారీగానా.. హాలీవుడ్ నుంచి దిగుతున్నారు!

వరుణ్ తేజ్ చివరగా నటించిన చిత్రం తొలిప్రేమ. ఈ చిత్రం సూపర్ హిట్ గా నిలిచింది. వరుణ్ తేజ్ కు బ్యాక్ టూ బ్యాక్ రొమాంటిక్ హిట్లు దక్కాయి. శేఖర్ కమ్ముల తెరెకక్కించిన ఫిదా చిత్రం బ్లాక్ బస్టర్ హిట్ గా నిలిచిన సంగతి తెలిసిందే. ఆ తరువాత వెంకీ అట్లూరి దర్శకత్వంలో నటించిన తొలి ప్రేమ చిత్రం కూడా సూపర్ హిట్ కావడంతో వరుణ్ తేజ్ మంచి జోష్ మీద ఉన్నాడు.

వరుణ్ తేజ్ తదుపరి ఘాజి ఫేమ్ సంకల్ప్ రెడ్డి దర్శకత్వంలో నటించబోతున్న సంగతి తెలిసిందే. ఈ చిత్రం అంతరిక్ష పరిశోధన నేపథ్యంలో రూపొందబోతోంది. ఘాజి చిత్రంలో సబ్ మెరైన్ యుద్దాన్ని అద్భుతంగా ఆవిష్కరించిన సంకల్ప్ రెడ్డి.. వరుణ్ తో తీయ బోయే చిత్రంలో ఎలాంటి ప్రయోగం చేయబోతున్నాడో అని అభిమానుల్లో ఆసక్తి నెలకొని ఉంది. ఈ చిత్రం భారీ స్థాయిలో తెరెక్కించడానికి సన్నకాహాలు చేస్తున్నారు. అంతరిక్ష నేపథ్యంలోని చిత్రం టాలీవుడ్ కు కొత్త. కాబట్టి సంకల్ప్ రెడ్డి హాలీవుడ్ నిపుణుల సూచనలు తీసుకోవాలని భావిస్తున్నారు.

దీనికోసం హాలీవుడ్ నుంచి ఓ టీం హైదరాబాద్ రానుంది. ఈ టీం చిత్ర యూనిట్ మొత్తానికి రెండు వారాల పాటు ట్రైనింగ్ ఇవ్వబోతోంది. హాలీవుడ్ నిపుణుల సూచనలు అనంతరం రెగ్యులర్ షూటింగ్ ని ప్రారంభించబోతున్నారు. ప్రముఖంగా ఈ చిత్రాల్లో యాక్షన్ సన్నివేశాలు ఎలా చిత్రీకరించాలి అనే విషయంలో హాలీవుడ్ స్టంట్ కొరియోగ్రాఫర్ లు సూచనలు ఇవ్వనున్నారు.