'అష్టా చెమ్మ' డైరక్టర్ నెక్ట్స్ ఏ హీరోతో నంటే...

అష్టాచెమ్మ, గోల్కొండ హైస్కూల్ చిత్రాలతో తానేంటో ప్రూవ్ చేసుకున్న దర్శకుడు ఇంద్రగంటి మోహన్ కృష్ణ. ఆయన తన తదుపరి చిత్రాన్ని సుశాంత్ హీరోగా ప్రారంభించనున్నాడు. శ్రీ నాగ్ కార్పోరేషన్ పతాకంపై ఈ చిత్రాన్ని చింతలపూడి శ్రీనివాసరావు ఈ చిత్రాన్ని నిర్మించనున్నారు. గతంలో ఈ బ్యానర్ పై కాళిదాసు, కరెంటు చిత్రాలు నిర్మించారు. రెండూ బాక్సాఫీస్ వద్ద ఫెయిల్యూర్ టాక్ తెచ్చుకున్నాయి. ఇక ఈ విషయం మీడియాకు చింతలపూడి శ్రీనివాసరావు తెలియచేస్తూ..మోహన్ కృష్ణ చెప్పిన స్టోరీలైన్ చాలా ఇంప్రెసెవ్ గా ఉంది. సుశాంత్ కి ఈ చిత్రం మంచి బ్రేక్ ఇచ్చి కొత్త ఇమేజ్ తీసుకొస్తుందని భావిస్తున్నాం అన్నారు. ఇక మోహన్ కృష్ణ రూపొందించిన గోల్కొండ హైస్కూల్ చిత్రం సంక్రాంతికి విడుదలై మంచి టాక్ తెచ్చుకున్నా కలెక్షన్స్ సంపాదించలేకపోయింది.