సూపర్బ్: ‘ప్రేమమ్’ రొమాంటిక్ ఫోటోస్...

శృతి హాసన్, మడోన్నా సెబాస్టియన్, అనుపమ పరమేశ్వరన్ అందం ఈ సినిమాకు అదనపు ఆకర్షణ.

సినిమాలో హీరో నాగ చైతన్య పాత్ర చాలా ఆసక్తికరంగా ఉండబోతోంది. మళయాల వెర్షన్లో హీరో జీవితంలో జరిగిన మూడు ప్రేమ కథలను ఆసక్తికరగా ఆ విష్కరించారు. తెలుగులోనూ ఆ మ్యాజిక్ రిపీట్ అవుతుందనడంలో ఎలాంటి సందేహం లేదు.

31 వ వడిలో ఉన్న ఒక యువకుడి 30 ఏళ్ళ జీవితంలోని ప్రేమానుభూతులను సమాహారంగా ఈ చిత్రాన్ని తెరకెక్కించారు. మళయాల వెర్షన్ చూసిన ఎవరికైనా తెలుగు వెర్షన్ హీరో పాత్రకు నాగ చైతన్య తప్ప మరెవరూ సూట్ కారనే భావన కలుగుతుంది.

సినిమాలో మొదటి లవ్ స్టోరీ తన టీనేజ్ లో మొదలవుతుంది. అప్పుడు అనుపమ పరమేశ్వరన్ తో ప్రేమలో పడతాడు. అయితే ఆమె మరొకరిని ప్రేమించడంతో ఆ ప్రేమ విఫలం అవుతుంది.

ఇక సెకండ్ లవ్ స్టోరీ తన కాలేజీ రోజుల్లో మొదలవుతుంది. తన కాలేజీలో లెక్చరర్ గా పని చేస్తున్న శృతి హాసన్ తో ప్రేమలో పడతాడు. కొంతకాలం తర్వాత ఆమె కూడా హీరోను ప్రేమిస్తుంది. అయితే ఓ యాక్సిడెంటులో ఆమె గతం మరిచిపోతుంది. దీంతో ఈ ప్రేమ కూడా ఫెయిల్ అవుతుంది.

30 సంవత్సరాల వయసు వచ్చేసమయానికి బేకరీ నడుపుకుంటూ ఉన్న హీరోకు మడోన్నా సెబాస్టియన్ పరిచయం అవుతుంది. విచిత్రం ఏమిటంటే..... ఈమె తన ఫస్ట్ లవర్ చెల్లెలు. ఆమెను చూసి మనసు పారేసుంటాడు. ఆమెకు విషయం చెబుతాడు. కానీ అప్పటికే ఆమెకు పెళ్లి ఫిక్స్ అవుతుంది.

మరి మూడు ప్రేమలు విఫలం అయిన తర్వాత హీరో ఏం చేసాడు? ఇంతకీ హీరోకు పెళ్లవుతుందా? అయితే ఎవరితో అవుతుంది? అనేది ఆసక్తికరం.

సినిమా ఎవరికి నచ్చినా నచ్చక పోయినా... యూత్ మెచ్చే విధంగా ఉంటుందనడంలో ఎలాంటి సందేహం లేదు. సినిమా మొత్తం ఆ ఏజ్ ఆడియన్స్ మెచ్చే అంశాలతోనే నిండిఉంది.

మళయాలం వెర్షన్ చూసిన చాలా మంది తమను తామను తెరపై చూసుకున్నట్లు ఉందనే అభిప్రాయం వ్యక్తం చేసారు. తెలుగులోనూ అలాంటి రెస్పాన్సే వస్తుందని ఆశిస్తున్నారు దర్శక నిర్మాతలు.

ఈత్రంలోని ఇతర తారాగణం ఈశ్వరీరావు, జీవా, బ్రహ్మాజీ, శ్రీనివాస రెడ్డి, పృథ్వి, నర్రాశ్రీను, ప్రవీణ్, చైతన్యకృష్ణ, అరవిందకృష్ణ , సత్య,కార్తీక్ ప్రసాద్, నోయల్, జోగి బ్రదర్స్. ఈ చిత్రానికి సంగీతం; గోపిసుందర్, రాజేష్ మురుగేషన్, పాటలు: రామజోగయ్య శాస్త్రి,వనమాలి, శ్రీమణి, పూర్ణ, కృష్ణ మాదినేని;

చాయా గ్రహణం: కార్తీక్ ఘట్టమనేని
ఎడిటింగ్: కోటగిరి వెంకటేశ్వర రావు
ఆర్ట్: సాహి సురేష్
ఒరిజినల్ స్టోరి: ఆల్ఫోన్సె పుధరిన్
సమర్పణ: పి.డి.వి. ప్రసాద్
నిర్మాత: సూర్యదేవర నాగవంశీ
స్క్రీన్ ప్లే - మాటలు - దర్శకత్వం: చందు మొండేటి