ఆస్కార్ 2020: విన్నర్స్ లిస్ట్.. సరికొత్త చరిత్ర సృష్టించిన పారసైట్ మూవీ

| Published: Monday, February 10, 2020, 12:40 [IST]

సినిమారంగంలో అత్యున్నత పురస్కారంగా చెప్పుకునే ఆస్కార్ అవార్డుల పంపణీ కార్యక్రమం అట్టహాసంగా జరుగుతోంది. 92వ అకాడమీ అవార్డల పేరుతో ఈ అవార్డుల కార్యక్రమాన్ని అమెరికా లాస్ ఎంజెలెస్‌లోని డాల్బీ థియేటర్‌లో ఘనంగా నిర్వహిస్తున్నారు. ప్రపంచవ్యాప్తంగా ప్రేక్షకాదరణ పొందిన చిత్రాలను, యాక్టర్లను ఎంపిక చేసి ఈ అత్యున్నత పురస్కారం అందజేస్తున్నారు.

అట్టహాసంగా ఆస్కార్ వేడుక.. బెస్ట్ పిక్చర్‌

ఎంతో అట్టహాసంగా జరుగుతున్న ఈ కార్యక్రమానికి ప్రపంచవ్యాప్తంగా ఉన్న నటీనటులు, దర్శక నిర్మాతలు, ఇతర సినీ సాంకేతిక నిపుణులు హాజరయ్యారు. అయితే ఈ సారి ఆస్కార్ అవార్డుల్లో బెస్ట్ పిక్చర్‌గా 'పారసైట్' మూవీ ఎంపిక కాబడి సంచలనం సృష్టించింది.

బెస్ట్ పిక్చర్‌ కేటగిరీలో నామినేషన్స్.. పోటాపోటీ

బెస్ట్ పిక్చర్‌ కేటగిరీలో.. వన్స్ అపాన్ ఎ టైమ్ ఇన్ హాలీవుడ్, ద ఐరిష్‌మాన్, పారసైట్,1917, మారియేజ్ స్టోరీ, జోజో రాబిట్, జోకర్, లిటిల్ ఉమన్,ఫోర్డ్ వర్సెస్ ఫెరారి చిత్రాలు పోటీపడగా చివరకు పారసైట్ మూవీ ఆస్కార్ అవార్డు వరించింది.

చరిత్రలో మొదటిసారి ఇలా.. ఏకంగా నాలుగు అవార్డులు

దీంతో ఈ ఆస్కార్ ఫంక్షన్‌లో పారసైట్ మూవీ స్పెషల్ అట్రాక్షన్‌గా నిలిచింది. ఈ సౌత్ కొరియన్ సినిమాకు బెస్ట్ పిక్చర్ సహా మూడు ఆస్కార్ అవార్డులు రావడం విశేషం. అంతేకాదు చరిత్రలో మొదటిసారి మెయిన్ కేటగిరిలో బెస్ట్ మూవీ అవార్డ్ అందుకున్న సినిమాగా పారసైట్ నిలిచింది.

పారసైట్.. సరికొత్త రికార్డు

ఇప్పటివరకు జరిగిన ఆశాఖ వేడుకల్లో కేవలం ఇంగ్లీష్ మూవీస్ మాత్రమే మెయిన్ కేటగిరిలో బెస్ట్ పిక్చర్ అవార్డ్స్ అందుకున్నాయి. కానీ మొదటిసారి ఓ కొరియన్ మూవీ (పారసైట్) ఫారిన్ కేటగిరిలో కాకుండా మెయిన్ కేటగిరిలో అవార్డు గెలుపొంది రికార్డు సృష్టించింది.