ప్రభాస్ చేతులమీదుగా మోషన్ పోస్టర్..! నవ్వి నవ్వి చచ్చిపోతారంతే (వీడియో)

తాప్సీ

ఇటీవ‌ల ఘాజీ చిత్రంతో ప‌ల‌క‌రించిన సినిమాలో ఈ అమ్మ‌డి నిడివి త‌క్కువ ఉండ‌డంతో ఫ్యాన్స్ కాస్త అప్సెట్ అయ్యారు. ఇక ఇప్పుడు తెలుగు ప్రేక్ష‌కుల ఆనందాన్ని పెంచేందుకు ఆనందో బ్ర‌హ్మ అనే చిత్రంతో వ‌స్తుంది తాప్సీ. కామెడీ హ‌ర‌ర్ నేప‌థ్యంలో రూపొందుతున్న ఈ చిత్రానికి పాఠ‌శాల ఫేం మ‌హి వి రాఘ‌వ ద‌ర్శ‌క‌త్వం వ‌హిస్తున్నాడు.

హారర్ కామెడీ

'భలే మంచి రోజు' సినిమాను ప్రొడ్యూస్ చేసిన టీమ్ ఇప్పుడు 'ఆనందో బ్రహ్మ' అంటూ పాఠశాల సినిమా ఫేం మహీ రాఘవ్ డైరక్షన్లో ఒక దెయ్యం కామెడీ రూపొందించారు. ఈ హారర్ కామెడీలో తాప్సీ ఒక చంద్రముఖ తరహా రోల్ చేస్తోందట. ఆల్రెడీ గంగ సినిమాలో అదే పాత్రలో నటించిన తాప్సీ.. ఇప్పుడు మరోసారి ఆ ఫీట్ రిపీట్ చేస్తోందనమాట.

మోషన్ పోస్టర్

ఆనందో బ్రహ్మ మోషన్ పోస్టర్ మాత్రం ఇంట్రెస్టింగ్ గానే రూపొందించారు. శ్రీనివాస్ రెడ్డి.. వెన్నెల కిషోర్.. రఘు.. షకలక శంకర్.. తదితర కామెడీ గ్యాంగ్ అంతా ఈ సినిమాలో మెయిన్ రోల్స్ చేస్తుండగా.. ఎర్ర చీర కట్టుకొని పన నవ్వుతూ చూస్తోంది డిల్లీ ఆపిల్ తాప్సీ విజ‌య్ చిల్ల మ‌రియు శ‌శి దేవిరెడ్డి సంయుక్తంగా ఈ చిత్రాన్ని 70 ఎంఎం ఎంట‌ర్ టైన్ మెంట్స్ ప‌తాకంపై నిర్మిస్తున్నారు.

ప్ర‌భాస్ చేతుల మీదుగా

ఇటీవ‌ల ఫ‌స్ట్ లుక్ విడుద‌ల చేసిన టీం తాజాగా ప్ర‌భాస్ చేతుల మీదుగా మోష‌న్ పోస్ట‌ర్ విడుద‌ల చేయించారు. శ్రీనివాస్ రెడ్డి, వెన్నెల కిషోర్ ప్ర‌ధాన పాత్ర‌ల‌లో రూపొందుతున్న ఈ చిత్రానికి క‌థే హీరోగా ఉంటుంద‌ని తాప్సీ పేర్కొంది. మ‌రి ఆ మోష‌న్ పోస్ట‌ర్ పై మీరు ఓ లుక్కేయండి.