Don't Miss!
- Sports ఐపీఎల్లో అదరగొడుతున్న అన్ క్యాప్డ్ ప్లేయర్లు వీళ్లే..
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- News సెంటిమెంట్ కలిసొస్తే - అదే ఫలితం రిపీట్...!!
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
- Technology ఎయిర్ కండిషనర్ AC ను కొనుగోలు చేయాలని ప్లాన్ చేస్తున్నారా... అయితే ఇవి తెలుసుకోండి..!
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
తండ్రీ,కొడుకులకు భార్యగా...ఆ హీరోయిన్
ఒకే చిత్రంలో తండ్రీకొ డుకులకు భార్యగా నటిస్తూ బాలీవుడ్ నటి ప్రియాంక చోప్రా సంచలనం సృష్టిస్తోంది. సాత్ ఖూన్ మాఫ్" అనే చిత్రంలో ఈ విచిత్రం చోటుచేసుకుంటోంది. 'సెవెన్ హజ్బెండ్స్" అనే హాలీవుడ్ చిత్రం ఆదారంగా ఈ చిత్రం రూపొందుతోంది. ప్రముఖ బాలీవుడ్ దర్శకుడు విశాల్ భరద్వాజ రూపొందిస్తున్న ఈ చిత్రంలో ప్రియాంకచోప్రాకు ముసలి భర్తగా నసీరుద్దీన్ షా నటిస్తుండగా..పడుచు భర్తగా నసీరుద్దీన్షా తనయుడు వివన్ నటించనుండడం విశేషం. ఇది వివన్కు ప్రారంభ చిత్రం కానుండడం మరో విశేషం. ఇక ఇలా తండ్రి కొడుకులకు ఒక్కరినే హీరోయిన్ గా చూపెడితే ప్రేక్షకులు అంగీకరించరేమోనంటూ యూనిట్ సభ్యులు వ్యక్తం చేస్తున్న అనుమానాల్ని విశాల్ భరద్వాజ్ కొట్టిపారేస్తున్నారు. ఇక విశాల్ భరధ్వాజ్ కమీనే, ఇష్కియాలు విభిన్న చిత్రాలుగా పేరు తెచ్చుకున్న సంగతి తెలిసిందే.
ఇక సాత్ ఖూన్ మాఫ్"లో కథ ప్రకారం పైకి అందంగా, అమాయకంగా కనిపించే ప్రియాంక తను పెళ్ళి చేసుకున్న ఏడుగురు భర్తలను వరసగా చంపేస్తుంది. అయితే వారిని వరుసగా ఎందుకు హత్య చేస్తుందనేది ప్రస్తుతానికి రహస్యం అని దర్శకుడు విశాల్ భరద్వాజ్ అంటున్నారు. ఇక ఈ చిత్రంలోనే ప్రియాంకకి ఏడుగురు భర్తలుగా ఎవరు నటిస్తున్నారనే విషయానికొస్తే..జాన్ అబ్రహాం, మోహన్లాల్, నసీరుద్దీన్ షా, అర్షద్ వార్సి, వివన్ ఇప్పటివరకు ఈ ఐదుగురూ ఎంపికయ్యారు. ఆరో భర్తగా ఇర్పాన్ ఖాన్ని ఎన్నుకోవాలని విశాల్ భరద్వాజ్ అనుకుంటున్నారు. ఒక భర్తగా విదేశీయుడు నటించబోతున్నారని సమాచారం. ఇక మిగిలిన ఒకే ఒక్క భర్త పాత్రకి మాత్రం ఇంకా ఎవరూ ఖరారు కాలేదు.