ప్రపంచానికి తెలియని రజనీకాంత్ రహస్యాలు: కూతుళ్లే బయట పెట్టబోతున్నారు!

ఐశ్వర్య, సౌందర్య కలిసి..

రజనీకాంత్ ఇద్దరు కూతుళ్లకు ఇప్పటికే పలు సినిమాలకు దర్శకత్వం వహించిన అనుభవం ఉంది. ఈ ఇద్దరు కలిసి తన తండ్రి జీవితాన్ని సినిమాగా ప్రేక్షకుల ముందుకు తెచ్చే ఆలోచనలో ఉన్నారు.

అఫీషియల్ ప్రకటన

ఈ విషయమై సౌందర్య స్పందిస్తూ..‘నిజమే.. నాన్నగారి జీవితం మీద సినిమా తీయాలనుకుంటున్నాం. నా సోదరి ఐశ్వర్య నాన్నగారి జీవితం మీద బుక్ రాస్తోంది. నాన్నగారి జీవితంలో జరిగిన ముఖ్యమైన విషయాలన్నీ ఈ సినిమాలో ఉంటాయి' అన్నారు.

రహస్యాలు..

రజనీకాంత్ జీవితానికి సంబంధించి ఇప్పటి వరకు ప్రంపంచానికి తెలియని ఎన్నో రహస్యాలు ఈ సినిమాలో అభిమానులు చూడబోతున్నారు.

ఎవరికీ తెలియదు..

నాన్నగారి జీవితంలోని కొన్ని సంఘటనలు ఇప్పటి వరకు ఎవరికీ తెలియదు. సినిమాలో మేము వాటిని చూపించబోతున్నాం. నేను ఆయన కూతుర్ని మాత్రమే కాదు..ఆయనకు పెద్ద అభిమానిని కూడా, ఆయన సినిమా తెరపై చూడటం అంటే నాకు చాలా ఇష్టం. అభిమానులంతా ఆయన జీవితాన్ని సినిమాగా చూడటాన్ని ఇష్టపడతారు అని సౌందర్య తెలిపారు.

చాలా కాలం నుండి

నాన్నగారి జీవితం మీద బయోపిక్ తీయాలనే ఆలోచన చాలా కాలం నుండి ఉంది, ఆయన జీవితం ఎందరికో ఆదర్శం అని సౌందర్య తెలిపారు.

బస్ కండక్టర్ నుండి అభిమానుల దేవుడిగా..

సాధారణ బస్ కండక్టర్ నుండి అభిమానులు పూజించే దేవుడి స్థాయికి ఆయన ఎదగడానికి తోడ్పడిన అంశాలు ఈ సినిమాలో ముఖ్యంగా ఫోకస్ కానున్నాయి.

వివాదాలు కూడా..

రజనీకాంత్ స్టార్ గా ఎదిగిన తర్వాత కొన్ని వివాదాలు కూడా ఆయన్ను చుట్టు ముట్టాయి. అవన్నీ ఈ సినిమాలో చూపించబోతున్నారు.

కల్పితాలకు చోటులేకుండా..

సినిమాలో ఎలాంటి కల్పితాలకు చోటు లేకుండా పూర్తిగా ఆయన జీవితాన్ని తెరిచిన పుస్తకంలా చూపెట్టబోతున్నారు.

దర్శకత్వం ఎవరు?

రజనీకాంత్ కూతుళ్లు సౌందర్య, ఐశ్వర్య సంయుక్తంగా ఈ చిత్రాన్ని దర్శకత్వం వహించబోతున్నారు.

రజనీకాంతే నటిస్తారా?

అయితే ఈ సినిమాలో రజనీకాంతే నటిస్తారా? లేక మరెవరైనా నటుడు ఈ చిత్రంలో రజనీకాంత్ గా నటించబోతున్నాడా? అనేదానిపై ఇంకా క్లారిటీ లేదు.

కష్టమే..

రజనీకాంత్ జీవితంపై సినిమా అంటే ఆయనలా మేనరిజం, స్టైల్ తెరపై ప్రదర్శించే నటుడు కావాలి. అలాంటి నటుడు దొరకడం కష్టం అంటున్నారంతా. రజనీకాంత్ తప్ప మరెవరూ నటించినా ఈ సినిమాకు పెద్దగా క్రేజ్ రాదని అంటున్నారు.

కాస్ట్ అండ్ క్రూ

త్వరలోనే ఈ సినిమాకు సంబంధించిన అపీషియల్ ప్రకటన రానుంది. త్వరలో ముఖ్య తారాగణం, టెక్నీషియన్స్ విషయాలు ప్రకటించనున్నారు. ఈ సినిమాలో ఎక్కువగా సినీ పరిశ్రమకు సంబంధించి రజనీకాంత్ రియల్ టైమ్ ప్రెండ్స్ కూడా నటించబోతున్నారు.

రిలీజ్ ఎప్పుడు?

ఈ సినిమా ఈ సంవత్సరంలోనే సెట్స్ మీదకు వెళ్లబోతోంది. వచ్చే ఏడాదిలో ఈ సినిమా రిలీజ్ అయ్యే అవకాశం ఉంది.

రజనీకాంత్ ఫ్యామిలీ

తన భార్య, ఇద్దరు కూతుళ్లతో కలిసి రజనీకాంత్.