శింబు, నయనతార పెండ్లి జరిగిందా!

చాలా రోజుల తర్వాత మాజీ ప్రియుడితో ..

గతంలో శింబు, నయనతార ప్రేమించుకొన్న సంగతి తెలిసిందే. పెండ్లి వరకు వచ్చిన వీరి ప్రేమ వ్యవహారానికి అనుకోకుండా మధ్యలోనే బ్రేక్ పడింది. ఆ తర్వాత చాలా రోజుల కలిసి నటించలేదు. జంటగా కనిపించలేదు.

ప్రభుదేవాతో పెండ్లి వరకు వచ్చి ఆగిన అఫైర్

ఆ తర్వాత మళ్లీ ప్రముఖ దర్శకుడు, కొరియోగ్రాఫర్ ప్రభుదేవాతో నయనతార ప్రేమలో పడింది. నయనతార కోసం ప్రభుదేవా తన మొదటి భార్యకు విడాకులు ఇచ్చారు కూడా. ఆ సమయంలో బాపు దర్శకత్వంలో బాలకృష్ణతో చేసిన శ్రీరామరాజ్యమే చివరి చిత్రమని ప్రకటించింది. ఆ సినిమా సెట్లో పరిశ్రమకు దూరమవుతున్నానని నయనతార కన్నీటిపర్యంతమైంది. అయితే వీరి ప్రేమ పెళ్లి పీటల మీదకు చేరకపోవడం సినీ వర్గాలను ఆశ్చార్యానికి గురిచేసింది.

చాలా రోజుల తర్వాత మళ్లీ తెరపై

తాజాగా వీరిద్దరూ సరసుడు చిత్రంలో కలిసి నటిస్తున్నారు. గతంలో నెలకొన్నవిభేదాలను మరిచి చిత్ర షూటింగ్‌లో వీరిద్దరూ అన్యోన్యంగా ఉంటున్నట్టు సమాచారం. ఈ నేపథ్యంలో నయనతార, శింబు రిలేషన్‌పై మళ్లీ గుసగుసలు వినిపిస్తున్నాయి. ఈ సారైనా ఈ స్టార్ జంట కహానీ మ్యారేజ్ వరకు చేరుతుందో వేచి చూడాల్సిందే.