ప్రిన్స్ మహేష్ పాత్రలో విజయ్ దేవరకొండ.. ఇంత చిన్న వయసులో..

ముఖ్యమంత్రిగా విజయ్ దేవరకొండ

ఇటీవల విడుదలై ఘనవిజయం సాధించిన భరత్ అనే నేను చిత్రంలో సూపర్‌స్టార్ మహేష్‌బాబు కూడా ముఖ్యమంత్రి పాత్రను పోషించారు. ఈ పాత్రకు మంచి ప్రేక్షకాదరణ లభించింది. ప్రస్తుతం నోటా చిత్రంలో ఓ రాష్ట్రానికి సీఎం పాత్రను విజయ్ దేవరకొండ చేయడంపై దక్షిణాదిలో ఆసక్తిని రేపుతున్నది.

మెహ్రీన్ ఫిర్జాదా హీరోయిన్‌గా

తెలుగు, తమిళ భాషల్లో రూపొందుతున్న నోటా చిత్రం ఇటీవలే షూటింగ్ పూర్తి చేసుకొన్నది. శరవేగంతో పోస్ట్ ప్రొడక్షన్ కార్యక్రమాలను పూర్తి చేసుకొంటున్నది. త్వరలోనే విజయ్ డబ్బింగ్ చెప్పనున్నారు ఇరుమురగన్ ఫేం ఆనంద శంకర్ దర్శకత్వం వహిస్తున్న చిత్రంలో మెహ్రీన్ ఫిర్జాదా హీరోయిన్‌గా నటిస్తున్నది. అధికారికంగా రిలీజ్ డేట్‌ను ప్రకటించేందుకు నిర్మాతలు ప్లాన్ చేస్తున్నారు.

అర్జున్ రెడ్డి సినిమా తర్వాత

అర్జున్‌రెడ్డి చిత్రం తర్వాత విజయ్ దేవరకొండ మహానటి చిత్రంలో కనిపించాడు. బాక్సాఫీస్ వద్ద ఈ చిత్రం ఘనవిజయాన్ని సాధించిన సంగతి తెలిసిందే. ఈ సినిమాలో విజయ్ పాత్రకు మంది రెస్పాన్స్ వచ్చింది. ప్రస్తుతం నోటా ద్వారా తమిళ చిత్ర రంగ ప్రవేశం చేస్తున్నారు.

టాక్సీవాలా, గీతా గోవిందం చిత్రాల్లో

అర్జున్ రెడ్డి, మహానటి తర్వాత ప్రస్తుతం విజయ్ టాక్సీవాలా, గీతా గోవిందం, నోటా చిత్రంలో నటిస్తున్నారు. టాక్సీవాలా రిలీజ్ సిద్ధంగా ఉండగా, గీతా గోవిందం ప్రోస్ట్ ప్రొడక్షన్ స్థాయిలో ఉంది. త్వరలోనే ఈ సినిమాలు ప్రేక్షకుల ముందుకు రానున్నాయి.