కాటమరాయుడు: జిమ్ లో పవన్, ఈ కొత్తమ్మాయి ఎవరు?

సెప్టెంబర్ 24 నుండి

ఆల్రెడీ ఈ సినిమా రెగ్యులర్ షూటింగ్ ప్రారంభం అయింది. పవన్ కళ్యాణ్ సెప్టెంబర్ 24న షూటింగులో జాయిన్ అవుతాడని తెలుస్తోంది. దర్శకుడు డాలీ ఫ్యాక్షన్ ప్రేమ కథాంశాన్ని ప్రేక్షక రంజకంగా తెరకెక్కిస్తున్నారు.

జిమ్ లో వర్కౌట్లు

సినిమాలో బాగా కనిపించాలంటే ఫిట్ నెస్ కంపల్సరీ. ఈ చిత్రం కోసం పవన్ జిమ్‌లో భారీగా వర్కవుట్స్ చేస్తున్నాడు. పర్సనల్ ట్రైనర్ సమక్షంలో పవన్ ట్రైనర్ గైడెన్స్ పాటిస్తూ రెగ్యలర్‌గా వర్కవుట్స్ చేస్తున్నాడట.

శృతి హాసన్

నార్త్ స్టార్ ఎంటర్‌టైన్‌మెంట్స్ బ్యానర్‌లో శరత్ మరార్ నిర్మిస్తున్న ఈ చిత్రంలో పవన్ సరసన కథానాయికగా శృతి హసన్ నటించనుంది. గతంలో వీరిద్దరి కాంబినేషన్లో వచ్చిన గబ్బర్ సింగ్ చిత్రం బాక్సాఫీసు వద్ద భారీ విజయం సాధించిన సంగతి తెలిసిందే.

పవన్ సినిమాలో కొత్త అమ్మాయి

ఈ సినిమాలో యామినీ భాస్కర్ అనే కొత్తమ్మాయి కీలక పాత్ర పోషిస్తోందని సమాచారం. ఈ సినిమాలో శ్రుతి హాసన్ ఓ కథానాయికగా నటిస్తున్న సంగతి తెలిసిందే. మరి యామిని పాత్ర ఏమిటనేది తెలియడం లేదు.

ఎవరీ యామినీ?

యామిని భాస్కర్ ఇంతకముందు ‘కీచక' అనే సినిమాలో హీరోయిన్ పాత్ర చేసింది. అలాగే ‘రభస'లో ఓ చిన్న క్యారెక్టర్ చేసింది. ఈ సినిమాలో ఆమె పాత్ర ప్రేక్షకులకు గుర్తిండిపోయేలా ఉంటుందని అంటున్నారు.

ఆశలన్నీ ఈ సినిమాపైనే

పవన్ ఇటీవల నటించిన సర్ధార్ గబ్బర్ సింగ్ చిత్రం కాస్త డివైడ్ టాక్ తెచ్చుకున్నా కూడా కాటమరాయుడు మూవీపై అభిమానులలో భారీ అంచనాలున్నాయి. ఈ సినిమాతో ఎలాగైనా భారీ హిట్టుకొట్టాలన్న కసితో ఉన్నారంతా చిత్ర యూనిట్ సభ్యులంతా.

వెంటనే మరో సినిమా

ఈ సినిమా పూర్తయిన వెంటనే మరో సినిమాకు సిద్ధమవ్వాలని నిర్ణయించుకున్నారట పవన్ కళ్యాణ్. నెక్ట్స్ ఆయన దర్శకుడు త్రివిక్రమ్‌తో కలిసి సినిమా చేసే అవకాశం ఉందని అంటున్నారు.