Anchor Pradeepపై సునీత సంచలన వ్యాఖ్యలు: ఆడవాళ్లపై అలా.. అందుకే పెళ్లి కావట్లేదంటూ!

అలా మొదలెట్టి.. ఇలా ఫేమస్ అయ్యాడు

పక్కింటి కుర్రాడిలా ఉండే ప్రదీప్ మాచిరాజు.. ముందుగా రేడియో జాకీగా తన కెరీర్‌ను ఆరంభించాడు. అక్కడ తన గాత్రంతో ఎంతో మంది అభిమానులను సొంతం చేసుకున్న అతడు.. ఆ తర్వాత యాంకర్‌గా మారి బుల్లితెరపైకి ఎంట్రీ ఇచ్చాడు. ఆరంభంలోనే తన హోస్టింగ్‌తో ఆకట్టుకున్న ఈ టాలెంటెడ్ గాయ్.. వరుస ఆఫర్లను అందుకుంటూ సత్తా చాటాడు. అదే సమయంలో 'గడసరి అత్త సొగసరి కోడలు' షోతో పాపులర్ అయ్యాడు. ఏకంగా దీనితో నంది అవార్డును కూడా అందుకున్నాడు. అప్పటి నుంచి వెనుదిరిగి చూడని ప్రదీప్.. తన హవాను చూపిస్తూ సాగిపోతున్నాడు.

సినిమాల్లోకి కూడా ఎంట్రీ.. హీరోగా సక్సెస్

చాలా కాలంగా బుల్లితెరపై టాప్ యాంకర్‌గా సత్తా చాటుతోన్న ప్రదీప్ మాచిరాజు.. కొన్నేళ్ల క్రితమే వెండితెరపైకి సైతం ఎంట్రీ ఇచ్చాడు. అక్కడ సపోర్టింగ్ రోల్స్ చేస్తూ గతంలో ఎన్నో సినిమాల్లో నటించి మెప్పించాడు. ఈ నేపథ్యంలో ఇటీవలే హీరోగా మారి '30 రోజుల్లో ప్రేమించడం ఎలా' అనే సినిమాతో ప్రేక్షకుల ముందుకు వచ్చాడు. ఎన్నో అంచనాలతో విడుదలైన ఈ మూవీ హిట్ అయింది. ఫలితంగా కలెక్షన్లు కూడా బాగానే వచ్చాయి. ఈ విజయవంతమైన చిత్రంలో ప్రదీప్‌కు టాలీవుడ్‌లో హీరోగా గ్రాండ్ ఎంట్రీ దక్కింది. దీంతో మరిన్ని ప్రాజెక్టులను లైన్‌లో పెడుతున్నాడు.

ఎక్కడ చూసినా అతడే.. ప్రస్తుతం వీటిలోనే

యాంకర్‌గా కెరీర్‌ను ఆరంభించప్పటి నుంచి ప్రదీప్ ఎన్నో షోలను హోస్ట్ చేశాడు. ఇందులో చాలా వరకూ సూపర్ హిట్ అయినవే ఉన్నాయి. ఈ క్రమంలోనే మరిన్ని కార్యక్రమాలను ఒప్పుకుంటూ దూసుకుపోతూనే ఉన్నాడు. ఇలా అన్ని ఛానెళ్లలోనూ ఏక కాలంలో పని చేస్తున్నాడు. అన్నింట్లోనూ తనదైన శైలి హోస్టింగ్‌తో అలరిస్తున్నాడు. ప్రస్తుతం అతడు 'ఢీ 13', 'డ్రామా జూనియర్స్', 'సూపర్ సీరియల్ ఛాంపియన్‌షిప్' సహా పలు షోలు, ఈవెంట్లకు హోస్టింగ్ చేస్తున్నాడు. అదే సమయంలో సినిమాల్లోనూ నటిస్తున్నాడు. వీటితో పాటు ఫంక్షన్లను కూడా హోస్ట్ చేస్తున్నాడు.

అక్కడ పిల్లలో సందడి.. మంచు లక్ష్మి ఎంట్రీ

ప్రస్తుతం యాంకర్ ప్రదీప్ 'డ్రామా జూనియర్స్ - ద నెక్ట్స్ సూపర్ స్టార్' అనే పిల్లల షోను చేస్తున్న విషయం తెలిసిందే. దీనికి అలీ, ఎస్వీ కృష్ణారెడ్డి, రేణు దేశాయ్‌లు జడ్జ్‌లుగా వ్యవహరిస్తున్నారు. ఇక, వచ్చే ఆదివారం ప్రసారం కాబోతున్న ఎపిసోడ్‌కు టాలీవుడ్ నటి, మోహన్ బాబు కుమార్తె మంచు లక్ష్మి ప్రసన్న ముఖ్య అతిథిగా విచ్చేశారు. ఈ ఎపిసోడ్‌లో స్వాతంత్య్ర దినోత్సవం స్పెషల్‌గా పలు రకాల స్కిట్‌ను చేశారు. దీనికి సంబంధించిన ప్రోమోను షో నిర్వహకులు తాజాగా విడుదల చేశారు. ఇది ఆద్యంతం చాలా సందడిగా సాగింది. ఫలితంగా దీనికి మంచి రెస్పాన్స్ వస్తోంది.

ప్రదీప్‌కు షాకిచ్చిన బుడతడు.. పెళ్లి గురించి

'డ్రామా జూనియర్స్' షోలో భాగంగా కొందరు చిన్నారులు శివుడుకు సంబంధించిన ఓ డివోషనల్ స్కిట్‌ను చేశారు. అది పూర్తైన తర్వాత సింగర్ సునీత.. మార్కండేయుడి పాత్రను పోషించిన బుడ్డోడితో 'శివుడు ప్రత్యక్షం అయితే.. ఏ వరం కోరుకుంటావు చెప్పు' అని అడిగింది. దీనికి ఆ చిన్నారి ఏమాత్రం ఆలోచించకుండా 'ప్రదీప్ అన్నకు త్వరగా పెళ్లి కావాలని కోరుకుంటాను' అని బదులిచ్చాడు. దీంతో యాంకర్ ప్రదీప్ షాక్ అయిపోయాడు. ఆ వెంటనే తెల్లముఖం వేసేశాడు. ఆ సమయంలో ఆ చిన్నారి చెప్పిన డైలాగ్‌కు అందరూ పగలబడి నవ్వుకున్నారు.

సునీత.. మంచు లక్ష్మిపై యాంకర్ పంచులు

తర్వాత మరో స్కిట్‌లో భాగంగా ప్రజ్వల్ అనే చిన్నారి చందమామలా నటిస్తూ ఓ స్కిట్‌ను చేశాడు. ఇందులో భాగంగా ఆ బుడ్డోడు 'అమ్మాయిలు డేంజర్‌ రోయ్.. చాలా చాలా డేంజర్' అని పవన్ కల్యాణ్ చెప్పిన ఓ డైలాగ్‌ను పలికాడు. దీన్ని స్కిట్ తర్వాత గుర్తు చేసిన యాంకర్ ప్రదీప్.. ఆ బుడతడితో మరోసారి ఆ డైలాగ్‌ను చెప్పించాడు. అప్పుడు సునీత 'ఇక్కడ ఎంత మంది ఆడవాళ్లు ఉన్నారో చూశావా? బయటకు వెళ్లాలని ఉందా' అని ప్రశ్నించింది. అప్పుడు ప్రదీప్ మాట్లాడుతూ.. 'నేను చెప్పింది అమ్మాయిల గురించి అని చెప్పరా' అని ఫన్నీగా కామెంట్ చేశాడు.

Recommended Video

30 రోజుల్లో ప్రేమించడం ఎలా ? Release Date ఫిక్స్

ప్రదీప్ వివాహంపై సునీత సంచలన వ్యాఖ్యలు

పరోక్షంగా ఈ సెట్‌లో ఉన్న వాళ్లంతా అమ్మాయిలు కాదు.. ఆంటీలు అంటూ యాంకర్ ప్రదీప్ చేసిన వ్యాఖ్యలపై ఆ వెంటనే జడ్జ్‌ సీటులో కూర్చున్న సింగర్ సునీత స్పందించారు. అప్పుడామె మాట్లాడుతూ.. 'ఇది ఆడవాళ్లపై డ్యామెంజింగ్ స్టేట్‌మెంట్. అందుకే నీకు ఇంత వయసు వచ్చినా పెళ్లి కావడం లేదు' అని షాకింగ్ కామెంట్స్ చేశారామె. అప్పుడు ప్రదీప్ 'ఇది పెద్ద డైలాగే' అంటూ రెస్పాండ్ అయ్యాడు. దీంతో అక్కడున్న వాళ్లంతా పకపకా నవ్వేశారు. మొత్తంగా ఈ ప్రోమో సందడి సందడిగా సాగింది. ఫలితంగా ఈ వీడియో యూట్యూబ్‌లో విపరీతంగా ట్రెండ్ అవుతోంది.