ఫోటోలు : స్టార్లుగా మారిన టీవీ ఆర్టిస్టులు

షారుక్ ఖాన్

సినిమాల్లోకి రాక ముందు షారుక్ ఖాన్ "ఫౌజి", "సర్కస్" , "దిల్ దరియా" అనే టీవీ కార్యక్రమాలలో నటించారు. ఆ తర్వాత సినిమాల్లోకి ఎంటరై బాలీవుడ్ టాప్ స్టార్ గా ఎదిగారు. ఇంటర్నేషనల్‌ లెవల్లో పేరు సంపాదించారు. ఆయన సినిమాల మార్కెట్ ఇప్పుడు వందల కోట్లలో ఉంది.

ప్రకాష్ రాజ్

ప్రస్తుతం ప్రకాష్ రాజ్ రేంజి ఏంటో కొత్తగా చెప్పక్కర్లేదు. టాలీవుడ్, బాలీవుడ్, కోలీవుడ్, మాలీవుడ్, సాండల్ వుడ్ అనే తేడా లేకుండా దేశంలోని అన్ని సినీ పరిశ్రమల్లో తన సత్తా చాటుతున్నాడు. సినిమాల్లోకి రాక ముందు ప్రకాష్ రాజ్ బుల్లితెరపై తన టాలెంట్ ఏమిటో నిరూపించుకున్నారు.

విద్యా బాలన్

2005లో పరిణీత చిత్రంలో సైఫ్ అలీ ఖాన్ సరరసన బాలీవుడ్ ఎంట్రీ ఇచ్చి...ఇప్పుడు పాపులర్ హీరోయిన్‌గా మారిన విద్యా బాలన్ ఒకప్పుడు బుల్లితెరపై నటించింది. హమ్ పాంచ్ అనే కామోడీ సిరీస్ లో నటించి అందరినీ ఆకట్టుకుంది.

కలర్స్ స్వాతి

తెలుగు, తమిళంలో హీరోయిన్‌గా రాణిస్తున్న కలర్స్ స్వాతి ఒకప్పుడు తెలుగు టీవీ కార్యక్రమాల్లో యాంకర్‌గా రాణించిన సంగతి తెలిసిందే. కలర్స్ అనే బుల్లితెర కార్యక్రమంతో బాగా పాపులర్ అయిన స్వాతిని ఇప్పటికీ అంతా అలానే పిలుస్తుంటారు. ప్రస్తుతం పలు సినిమాలతో బిజీగా గడుపుతోంది.

హన్సిక

దక్షిణాదిన ప్రస్తుతం పాపుల్ హీరోయిన్లలో ఒకరుగా మారిన హన్సిక ఒకప్పుడు బుల్లితెరపై చైల్డ్ ఆర్టిస్టుగా రాణించింది. షకలక భూం భూం అనే టీవీ కార్యక్రమం ద్వారా హన్సిక కెరీర్ ప్రారంభించింది. ఇప్పుడు సినిమాల్లో పాపులర్ స్టార్ గా మారింది.