టాలీవుడ్ టాప్ 10 మోస్ట్ ప్రాఫిటబుల్ మీడియం రేంజ్ బ‌డ్జెట్ మూవీస్‌

విజ‌య్ దేవ‌ర‌కొండ‌, ర‌ష్మిక మంద‌న్న హీరో హీరోయిన్లుగా న‌టించిన ఈ చిత్రానికి ప‌రశురాం ద‌ర్శ‌కుడు. ల‌వ్ అండ్ ఫ్యామిలీ ఎంట‌ర్టైన‌ర్‌గా రూపొందిన‌ ఈ మూవీ మొత్తంగా రూ.55.43 కోట్లు షేర్ క‌లెక్ష‌న్స్‌ను రాబ‌ట్టింది. గ్రాస్ ప‌రంగా వంద కోట్ల రూపాయ‌ల‌ను దాటింది. ఈ మూవీని జీఏ 2పిక్చ‌ర్స్ బ్యాన‌ర్‌పై నిర్మించిన బ‌న్నీ వాసుకు అయిన ఖ‌ర్చు రూ.15 కోట్లు. ఈ సినిమాతో విజ‌య్ దేవ‌ర‌కొండ స్టార్ హీరోగా ఇమేజ్‌ను సొంతం చేసుకున్నారు. 

నిఖిల్ సిద్ధార్థ్, అనుప‌మ ప‌ర‌మేశ్వ‌ర‌న్ నాయ‌కానాయిక‌లుగా న‌టించిన కార్తికేయ 2. పాన్ ఇండియా లెవ‌ల్లో  వంద కోట్ల‌కు పైగా గ్రాస్‌ వ‌సూళ్ల‌ను సాధించింది. నెట్ క‌లెక్ష‌న్స్ ప‌రంగా చూస్తే ఆ వేల్యూ రూ.45.60 కోట్లు. థియేట్రిక‌ల్ బిజినెస్ ప‌రంగా చూస్తే నిర్మాత‌కు అద్భ‌/త‌మైన లాభాల‌ను తెచ్చిన చిత్రం నిర్మాణానికి మాత్రం రూ.12.80 కోట్లు ఖ‌ర్చు అయ్యాయ‌ని ట్రేడ్ వ‌ర్గాలు అంటున‌నాయి. చందు మొండేటి ఈ చిత్రానికి ద‌ర్శ‌క‌త్వం వ‌హించారు. కార్తికేయ‌కు కొన‌సాగింపుగా కృష్ణ త‌త్వంపై కార్తికేయ 2ను రూపొందించారు. 

స్టార్ డైరెక్ట‌ర్ సుకుమార్, మైత్రీ సంస్థ‌తో క‌లిసి చేసిన సినిమా ఉప్పెన‌. సుకుమార్ శిష్యుడు బుచ్చిబాబు ఈ చిత్రంతో ద‌ర్శ‌కుడిగా ప‌రిచ‌యం అయ్యారు. మెగా ఫ్యామిలీకి చెందిన వైష్ణ‌వ్ తేజ్ పంజా హీరోగా ప‌రిచ‌యం అవ‌గా, క‌న్న‌డ బ్యూటీ కృతి శెట్టి హీరోయిన్‌గా ప‌రిచ‌యం అయ్యింది. వైష్ణ‌వ్ న‌ట‌న‌,కృతి గ్లామ‌ర్‌కి విజ‌య్ సేతుప‌తి వంటి విల‌క్ష‌ణ న‌టుడు తోడు కావ‌టంతో ఉప్పెన బ్లాక్ బ‌స్ట‌ర్ అయ్యింది. రూ.31.02 కోట్లు షేర్ క‌లెక్ష‌న్స్ వ‌చ్చిన ఈ సినిమా నిర్మాణానికి రూ.20.50 కోట్లు ఖ‌ర్చు అయ్యాయి. 

 ప్ర‌ముఖ నిర్మాతలు దిల్‌రాజు, శిరీష్.. శేఖ‌ర్ క‌మ్ముల ద‌ర్శ‌క‌త్వంలో రూపొందించిన చిత్రం ‘ఫిదా’. వ‌రుణ్ తేజ్ కెరీర్‌లో బిగ్ బ్లాక్ బ‌స్ట‌ర్‌. ఈ సినిమాకు హీరోయిన్ సాయి ప‌ల్ల‌వి పెద్ద ఎసెట్ అయ్యింది. భానుమ‌తి హైబ్రీడ్ పిల్ల అంటూ ఆమె చేసిన సంద‌డి ఆడియెన్స్‌ని క‌ట్టి ప‌డేసింది. రూ.30.50 కోట్లు షేర్ సాధించిన ఈ సినిమా కోసం నిర్మాత‌లు పెట్టిన ఖ‌ర్చు రూ. 18 కోట్లు. దాదాపు రెట్టింపు లాభాల‌ను తెచ్చి పెట్టిన సినిమా ఇది. 

హ‌ను రాఘ‌వ‌పూడి ద‌ర్శ‌క‌త్వంలో స్వ‌ప్న ద‌త్‌, ప్రియాంక ద‌త్ నిర్మించిన చిత్రం సీతారామం. దుల్క‌ర్ స‌ల్మాన్‌, మృణాల్ ఠాకూర్ హీరో హీరోయిన్లుగా న‌టించారు. తెలుగు, త‌మిళ‌, మ‌ల‌యాళ భాష‌ల్లో విడుద‌లైన ఈ చిత్రం బ్లాక్ బ‌స్ట‌ర హిట్‌గా నిలిచింది. థియేట్రిక‌ల్ బిజినెస్ ప‌రంగా రూ.30.30 కోట్ల షేర్ క‌లెక్ష‌న్స్ సాధించిన ఈ  సినిమా నిర్మాణానికి అయిన ఖ‌ర్చు రూ.16.20 కోట్లు. దాదాపు రెట్టింపు లాభాల‌ను తెచ్చి పెట్టందీ చిత్రం. మృణాల్ అందానికి తెలుగు ప్రేక్ష‌కులు ఫిదా అయ్యారు. 

 అనుదీప్ ద‌ర్శ‌క‌త్వంలో న‌వీన్ పొలి శెట్టి, ప్రియ‌ద‌ర్శి, రాహుల్ రామ‌కృష్ణ ప్ర‌ధాన పాత్ర‌ల్లో రూపొందిన సినిమా జాతి ర‌త్నాలు. ఈ సినిమాను ద‌ర్శ‌కుడు నాగ్ అశ్విన్ నిర్మాత‌గా మారి స్వప్ప ద‌త్‌, ప్రియాంక ద‌త్‌ల‌తో క‌లిసి నిర్మించారు. ఈ సినిమా కూడా బ్లాక్ బ‌స్ట‌ర్ హిట్‌గా నిలిచింది. ఈ చిత్రం రూ. 27.52 కోట్లు షేర్ క‌లెక్ష‌న్స్ రాబట్టింది. ఈ సినిమా మేకింగ్‌కు అయిన ఖ‌ర్చు రూ.11 కోట్లు. ఫరియా అబ్దుల్లా హీరోయిన్‌గా న‌టించింది. 

 ఉస్తాద్ రామ్ హీరోగా మాస్ డైరెక్ట‌ర్ పూరీ జ‌గ‌న్నాథ్ ద‌ర్శ‌క‌త్వంలో రూపొందిన చిత్రం ఇస్మార్ట్ శంక‌ర్. హిట్స్ లేకుండా ఇబ్బందులు ప‌డుతున్న డైరెక్ట‌ర్ పూరి, హీరో రామ్‌ల‌కు ఈ చిత్రం ఊపిరిలూదింది. రూ.22.78 కోట్లు వ‌సూలు చేసింది.  ఈ మూవీని నిర్మించ‌టానికి దాదాపు రూ.18 కోట్లు ఖ‌ర్చు అయ్యాయి. ఈ చిత్రాన్ని పూరీ జ‌గ‌న్నాథ్‌, ఛార్మి నిర్మించారు. రామ్‌కు జంట‌గా న‌భా న‌టేష్‌, నిధి అగ‌ర్వాల్ హీరోయిన్స్‌గా న‌టించారు. 

సుప్రీమ్ హీరో సాయిధ‌ర‌మ్ తేజ్ క‌థానాయకుడిగా కార్తీక్ దండు ద‌ర్శ‌క‌త్వంలో రూపొందిన చిత్రం విరూపాక్ష‌. యాక్సిడెంట్ త‌ర్వాత సాయిధ‌ర‌మ్ న‌టించిన చిత్ర‌మిది. మిస్టీక‌ల్ థ్రిల్ల‌ర్‌గా వ‌చ్చిన ఈ సినిమా బ్లాక్ బ‌స్ట‌ర్ హిట్‌గా నిలిచింది. తెలుగులో ఇప్ప‌టి వ‌ర‌కు రూ.82 కోట్ల‌కు పైగా వ‌సూళ్ల‌ను సాధించింది. నిర్మాత‌ల‌కు ఈ ఈ సినిమాను నిర్మించ‌టానికి అయిన ఖ‌ర్చు రూ.22 కోట్లు. బి.వి.ఎస్‌.ఎన్‌.ప్ర‌సాద్ నిర్మాత‌. ఇంకా సినిమా స‌క్సెస్‌ఫుల్‌గా ర‌న్ అవుతోంది. ఇప్పుడీ చిత్రాన్ని త‌మిళ‌, హిందీ, మ‌ల‌యాళ భాష‌ల్లోనూ రిలీజ్ చేశారు. సంయుక్తా మీన‌న్ ఇందులో హీరోయిన్‌.

నంద‌మూరి క‌ళ్యాణ్ రామ్ హీరోగా వ‌శిష్ట ద‌ర్శ‌క‌త్వంలో రూపొందిన ఫిక్ష‌న‌ల్ మూవీ బింబిసార‌. హీరోగా న‌టిస్తూ క‌ళ్యాణ్ రామ్ ఈ చిత్రాన్ని నిర్మించారు కూడా. బింబిసారుడిగా, నేటి కాలానికి చెందిన యువ‌కుడిగా ఇలా రెండు షేడ్స్‌లో క‌ళ్యాణ్ రామ్ మెప్పించారు. సంయుక్తా మీన‌న్‌, క్యాథ‌రిన్ హీరోయిన్స్‌. రూ.22.32 కోట్లు షేర్ క‌లెక్ష‌న్స్ వ‌చ్చాయి. ఈ సినిమా ప్రొడ‌క్ష‌న్‌కి రూ.15.60 కోట్లు ఖ‌ర్చు అయ్యాయి.  

పెళ్లి చూపులు చిత్రంతో హిట్ కొట్టిన విజ‌య్ దేవ‌ర‌కొండ‌ను స్టార్ హీరోగా నిల‌బెట్టిన చిత్రం అర్జున్ రెడ్డి. సందీప్ వంగా ద‌ర్శ‌కుడిగా సెన్సేష‌న‌ల్ హిట్ సాధించారు. ఈ ఇన్‌టెన్స్ ల‌వ్ స్టోరీలో షాలిని పాండే హీరోయిన్‌. రూ.20.30 కోట్లు షేర్ వ‌సూళ్లు వ‌చ్చాయి. ఈ సినిమా నిర్మాణానికి దాదాపు రూ.6 కోట్లు బ‌డ్జెట్ అయ్యింది. ఇదే సినిమాతో సందీప్ వంగా బాలీవుడ్‌లోనూ హిట్ కొట్టారు. క్రేజీ డైరెక్ట‌ర్‌గా మారారు.