బాలీవుడ్‌లో విడిపోయిన మరో జంట! హృతిక్ భార్యనే కారణామా?

అర్జున్ రాంపాల్‌ బ్రేకప్‌కు కారణం

అర్జున్ రాంపాల్, మెహర్ జెస్సికా దాంపత్యంలో విభేదాలు చోటుచేసుకోవడానికి బాలీవుడ్ నటుడు హృతిక్ రోషన్ భార్య సుజానే ఖాన్‌ కారణమని బాలీవుడ్ పత్రికలు కోడైకూసిన సంగతి తెలిసిందే. సుజానే ఖాన్‌తో అర్జున్ రాంపాల్ కొద్దికాలంగా అఫైర్ కొనసాగిస్తున్నారు. ఆ కారణంగానే హృతిక్, సుజానేలు విడిపోయారు అని సినీ వర్గాలు చెప్పుకొంటాయి.

హృతిక్, సుజానే విడిపోవడానికి

హృతిక్, సుజానే విడిపోయిన తర్వాత అర్జున్‌ రాంపాల్‌తో అతిసన్నిహితంగా వ్యవహరిస్తున్నట్టు వార్తలు వచ్చాయి. ఆ కారణంగానే మెహర్ జెస్పికా, అర్జున్ రాంపాల్ మధ్య గొడవలు ప్రారంభమయ్యాయని చెప్పుకొంటారు. సుజానే‌తో సంబంధం వల్లనే తాజాగా వారిద్దరూ విడిపోవడం జరిగిందని ఓ కథనంలో పేర్కొన్నారు.

హృతిక్ బ్రేకప్‌పై స్పందన

అయితే తమ వైవాహిక జీవితంలో కలతలు రావడానికి కారణం సుజానే కాదని నటుడు అర్జున్ రాంపాల్ ఓ ప్రకటన విడుదల చేశారు. హృతిక్, సుజానే బ్రేకప్‌కు తాను కారణం కాదని వివరణ ఇచ్చారు. వారి బ్రేకప్‌కు నేనే కారణం అని వచ్చిన వార్తలను నన్ను చాలా బాధించాయి అని అర్జున్ రాంపాల్ తన ఆవేదన వ్యక్తం చేశారు.

నాపై వార్తలు రూమర్లే

హృతిక్ వైవాహిక జీవితం దెబ్బ తినడానికి తానే కారణమని వచ్చిన వార్తలను చదివాను. నాపై వచ్చిన వార్తలు కేవలం రూమర్లు మాత్రమే. వారిద్దరు విడిపోవాల్సి రావడం దురదృష్టకరం. ఆ సమయంలో మెహర్, నేను చాలా బాధపడ్డాం. వారి జీవితాలు సుఖ: సంతోషాలతో ఉండాలని కోరుకొన్నాం అని అర్జున్ రాంపాల్ తన ప్రకటనలో వెల్లడించారు.

అర్జున్, జెసియా విడాకుల కోసం

హృతిక్, సుజానే బ్రేకప్ తర్వాత అర్జున్ రాంపాల్ వైవాహిక జీవితం గాడిలో పడినట్టు కనిపించింది. అర్జున్ కూతుళ్లు మహిఖ, మైరా, భార్య మెహర్‌తో కలిసి కొన్నిరోజులపాటు ఆనందంగా ఉన్నారు. కానీ ఈ మధ్య వారి జీవితంలో మళ్లీ విభేదాలు చోటుచేసుకొన్నాయి. ఈ సారి వారి మధ్య పూడ్చలేని అగాధం ఏర్పడింది అని ఓ పత్రిక కథనాన్ని వెల్లడించింది.

సుజానే కోసం అర్జున్ రాంపాల్

ప్రస్తుతం హృతిక్, సుజానే విడివిడిగానే ఉంటున్నారు. వారి పిల్లల కోసం అప్పుడప్పుడు కలుస్తున్నారు. కానీ మళ్లీ కలిసి జీవితాన్ని ప్రారంభించే అవకాశాలు కనిపించడం లేదు. సుజానేకు దగ్గరవ్వడానికే అర్జున్ రాంపాల్ తన భార్యకు దూరమవుతున్నారనే వార్త కూడా ప్రచారంలో ఉంది.