Don't Miss!
- News కేసీఆర్ భరోసా: 22 నుంచి బస్సు యాత్రతో జనంలోకి
- Sports భార్య పేరు చెప్పి.. DK నోరు మూయించిన కోహ్లి Video
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
నాట్య మయూరి సుధా చంద్రన్కు తీవ్ర విషాదం.. తుది శ్వాస ఉన్నంత వరకు అంటూ ఎమోషనల్
మయూరి చిత్రంతో తెలుగు ప్రేక్షకులకు సుపరిచితులైన నాట్య కళాకారిణి, నటి సుధా చంద్రన్ తీవ్ర విషాదంలో మునిగిపోయారు. తన తండ్రి, సీనియర్ నటుడు కేడీ చంద్రన్ మరణంతో తీవ్ర దిగ్బ్రాంతికి గురయ్యారు. పితృ వియోగంతో బాధపడుతున్న సుధా చంద్రన్కు సినీ వర్గాలు ఫోన్ ద్వారా, సోషల్ మీడియా ద్వారా సంతాపం తెలుపుతూ పరామర్శిస్తున్నారు. కేడీ చంద్రన్ మృతి వివరాల్లోకి వెళితే...
కిడ్నీ వ్యాధితో బాధపడుతూ
నటుడు కేడీ చంద్రన్ గత కొద్దికాలంగా కిడ్నీ సంబంధిత వ్యాధితో బాధపడుతున్నారు. ఇటీవల ముంబైలోని ప్రముఖ హాస్పిటల్లో ఆయనను చేర్పించి చికిత్స అందిస్తున్నారు. చికిత్స పొందుతున్న సమయంలోనే గుండెపోటు రావడంతో మే 17 తేదీ సోమవారం ఉదయం తుదిశ్వాస విడిచారు అని కుటుంబ సభ్యులు తెలిపారు.
ఇటీవలే జన్మదినం జరుపుకొని
నటుడు కేడీ చంద్రన్ ఇటీవలే అంటే మే 8 తేదీన జన్మదినం జరుపుకొన్నారు. ఈ సందర్భంగా తండ్రికి సుధా చంద్రన్ ప్రేమతో కూడిన సందేశాన్ని ఇన్స్టాగ్రామ్లో పోస్టు చేశారు. హ్యాపీ బర్త్ డే నాన్న.. నాకు మంచి విలువలతో కూడిని జీవితాన్ని ఇచ్చి ముందుకు నడిపించినందుకు ధన్యవాదాలు. నీ కూతురిగా ఎప్పటికీ గర్వపడుతాను అంటూ సుధా చంద్రన్ పోస్టు పెట్టారు. అంతలోనే తండ్రిని మృత్యువు కబలించడంతో తీవ్ర దిగ్బ్రాంతికి గురయ్యారు.
నాన్న.. తుదిశ్వాస ఉన్నంత వరకు
తండ్రి మరణంతో విషాదంలో మునిగిపోయిన సుధా చంద్రన్ తన ఇన్స్టాగ్రామ్ అకౌంట్లో భావోద్వేగమైన లేఖను పోస్టు చేశారు. నాన్న నీకు అశ్రునివాలి. మమల్ని విడిపోయిన నీవు ఏ లోకంలో ఉన్నప్పటికీ మీ ఆత్మకు శాంతి కలగాలి. నీ కూతురిగా చాలా గర్వ పడుతాను. నీ అనుభవాలను, నీ విలువలను, నిజాయితీని నా చివరి శ్వాస ఉన్నంత వరకు పాటిస్తూనే ఉంటాను. మళ్లీ నీ కూతురిగానే పుట్టాలని భగవంతుడిని కోరుకొంటున్నాను అని సుధా చంద్రన్ పేర్కొన్నారు.
కేడీ చంద్రన్ కెరీర్
నటుడు కేడీ చంద్రన్ కెరీర్ విషయానికి వస్తే పలు బాలీవుడ్ చిత్రాల్లో నటించారు. మైనే మాధురీ దీక్షిత్ బన్నా చాహ్తీ హూ, కోయి మిల్ గయా, షరారత్, హరద్ దిల్ జో ప్యార్ కరేగా, చైనా గేట్, తేరే మేరే సప్నే, హమ్ హై రాహీ ప్యార్ కే లాంటి చిత్రాల్లో నటించారు.
సుధా చంద్రన్ కెరీర్ ఇలా...
ఇక సుధా చంద్రన్ విషయానికి వస్తే.. నాట్యకారిణిగా సుపరిచితులైన ఆమె ప్రమాదంలో కాలు పోగోట్టుకోవడం విషాదంగా మారింది. అయితే జైపూర్ కాలు అమర్చుకొని మళ్లీ నాట్యకారిణి పలు ప్రదర్శనలు ఇచ్చారు. ఈనాడు అధినేత రామోజీ రావు నిర్మాతగా రూపొందిన మయూరి చిత్రం ద్వారా నటిగా మారారు. పలు హిందీ, తమిళం, మలయాళ చిత్రాల్లో నటించారు.