ఇండస్ట్రీలో హీరోయిన్లపై లైంగిక వేధింపులు నిజమే.. ఐశ్వర్యరాయ్

లైంగిక వేధింపులపై

సినీ పరిశ్రమలో లైంగిక వేధింపుల అంశంపై భారీగా చర్చ జరుగుతున్నది. అనేక మంది తమ అభిప్రాయాలను పంచుకొంటున్నారు. ఇలాంటి విషయంపై స్పందించడం చాలా మంచి పరిణామం. సినీ తారలపై జరుగుతున్న వేధింపులను దాచిపెట్టడం సరికాదు. వాటిని వెలుగులోకి తీసుకురావాల్సిన అవసరం ఉంది అని ఐశ్వర్యరాయ్ అన్నారు.

సినీ పరిశ్రమకే పరిమితం

లైంగిక వేధింపులు, దాడులు కేవలం సినీ పరిశ్రమకే పరిమితం కాలేదు. అన్ని రంగాల్లో ఈ సమస్య ఉన్నది. సినీ పరిశ్రమలో స్వేచ్ఛ ఉన్నది. మీడియా అందుబాటులో ఉంది కాబట్టి ఈ విషయాలు ఎక్కువగా సినీ పరిశ్రమలోనే ఉన్నట్టు ఓ భ్రాంతి కలుగుతున్నది అని ఐశ్వర్యరాయ్ అన్నారు.

ఆయుధంగా సోషల్ మీడియా

తమ భావాలను పంచుకోవడానికి సోషల్ మీడియా బలమైన ఆయుధంగా ఉపయోగపడుతున్నది. కానీ కొన్ని విషయాల్లో సోషల్ మీడియా తప్పుదారి పడుతున్నది. సోషల్ మీడియా కారణంగా వ్యక్తిగత స్వేచ్ఛ హరిస్తున్నది అనే అభిప్రాయాన్ని ఐశ్వర్యరాయ్ వ్యక్తం చేశారు.

కీడు కంటే మేలే ఎక్కువగా

సోషల్ మీడియా వల్ల కీడు కంటే మేలే ఎక్కువ జరుగుతున్నది. ప్రతీ విషయం వెలుగులోకి వస్తున్నది. ఏదైనా జరిగితే అందరి అభిప్రాయాలు తెలుసుకునే వీలు కలుగుతున్నది. సంఘటన తీవ్రత ఏంటో తెలుసుకునే వీలు కలుగుతున్నది అని ఐశ్వర్య చెప్పింది.

ఫన్నేఖాన్ చిత్రంలో

బాలీవుడ్‌లో బిజీగా మారేందుకు ఐశ్వర్యరాయ్ తన కెరీర్‌ను ప్లాన్ చేసుకొంటున్నారు. ప్రస్తుతం అనిల్ కపూర్‌తో కలిసి ఫన్నే ఖాన్ అనే చిత్రంలో నటిస్తున్నారు. ఈ చిత్రం త్వరలోనే ప్రేక్షకుల ముందుకు రానున్నది.