Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ఉత్కంఠ రేపుతున్న సంజు.. కనీసం 240 కోట్లు రావాలి, లేకపోతే.. సంజయ్ దత్ టెర్రరిస్ట్ కాదా!
ప్రఖ్యాత బాలీవుడ్ దర్శకుడు రాజ్ కుమార్ హిరానీ దర్శకత్వంలో రూపొందిన చిత్రం సంజు. వివాదాస్పద నటుడు సంజయ్ దత్ జీవిత చరిత్ర ఆధారంగా ఈ చిత్రం రూపొందింది. సంజయ్ దత్ జీవితంలో అనేక వివాదాలు ఎదుర్కొన్నారు. ఆ అంశాలని ఈ చిత్రంలో రాజ్ కుమార్ హిరానీ ఎలా చూపించారు అనే ఉత్కంఠ సర్వత్రా నెలకొని ఉంది. స్టార్ హీరో రణబీర్ కపూర్ సంజయ్ దత్ పాత్రలో ఒదిగిపోయి నటించాడు. ఈ విషయం చిత్ర ట్రైలర్ చూస్తే అర్థం అవుతుంది. ఇక సినిమాలో ఈమేరకు విశ్వరూపం చూపించాడో చూడాలి. భారీ అంచనాల నడుమ ఈ చిత్రం శుక్రవారం విడుదలకు సిద్ధం అవుతోంది. ఈ చిత్ర ప్రీరిలీజ్ బిజినెస్ కూడా ఇప్పుడు ట్రేడ్ వర్గాల్లో ఆసక్తిగా మారింది.
దేశం మొత్తం ఆసక్తిగా
దేశం మొత్తం సంజు చిత్రం కోసం ఆసక్తిగా ఎందురుచూస్తున్నారు. సంజయ్ దత్ వివాద భరిత జీవితాన్ని దర్శకుడు ఎలా ఆవిష్కరించాడు, రణబీర్ కపూర్ ఎలా నటించాడు అనే ఆసక్తి సర్వత్రా నెలకొంది.
Recommended Video
కనీవినీ ఎరుగని అంచనాలు
అమీర్ ఖాన్, రాజ్ కుమార్ హిరానీ కాంబోలో వచ్చిన పీకే చిత్రం ఏస్థాయిలో వసూళ్లు రాబట్టిందో అందరికి తెలిసిందే. వివాదాలతోనే ఈ చితం వందలాది కోట్లు పిండుకుంది. పీకే తరువాత రాజ్ కుమార్ హిరానీ దర్శకత్వం వహించిన చిత్రం సంజు నే కావడం విశేషం. రాజ్ కుమార్ హిరానీ, సంజయ్ దత్ బ్రాండ్ తోనే ఈ చిత్రంపై భారీగా అంచనాలు ఏర్పడ్డాయి. ఇక ట్రైలర్ ఆ అంచనాలని మరో స్థాయికి తీసుకుని వెళ్ళింది.
ప్రీరిలీజ్ బిజినెస్
ఈ చిత్రంపై ఉన్న అంచనాల కారణంగా ప్రీరిలీజ్ బిజినెస్ కూడా రికార్డు స్థాయిలో జరిగింది. సంజు చిత్ర ప్రీరిలీజ్ బిజినెస్ 240 కోట్లు అని టాక్. అంటే ఈ చిత్ర బయ్యర్లు సేఫ్ కావాలనే కనీసం 240 కోట్ల షేర్ రాబట్టాలి. సంజు చిత్రాన్ని 150 కోట్ల బడ్జెట్ తో నిర్మించారు.
ఆ సత్తా ఉందా
రణబీర్ కపూర్ బాలీవుడ్ లో స్టార్ హీరోనే. కానీ సల్మాన్ ఖాన్, అమిర్ ఖాన్ స్థాయిలో తొలిరోజే బాక్స్ ఆఫీస్ వద్ద కాసుల వర్షం కురిపించేంత స్థాయి లేదు. కాబట్టి సినిమాకు వచ్చే టాక్ బట్టే ఈ చిత్ర వసూళ్లు ఆధారపడి ఉంటాయని ట్రేడ్ విశ్లేషకులు అంచనా వేస్తున్నారు.
ఆ అంశాలే కీలకం
సంజయ్ దత్ జీవితంలో చోటు చేసుకున్న వివాదాలే ఈ చిత్రంలో ఆసక్తికర అంశాలు అనడంలో సందేహం లేదు. జైలు జీవితం, డ్రగ్స్ కు బానిసం కావడం వంటి సంఘటనలని దర్శకుడు ఎంత తీవ్రంగా చూపించగలిగితే సినిమా అంత రంజుగా ఉంటుందనే అభిప్రాయం ఉంది.
ముంబై పేలుళ్లు
సంజయ్ దత్ స్టార్ గా వెలుగొందుతున్న సమయంలో అక్రమ ఆయుధాలు, ముంబై పేలుళ్లలో ప్రమేయం వంటి కేసులు అతడి జీవితాన్ని తీవ్రమైన కుదుపుకు గురిచేశాయి. ముంబై పేలుళ్లలో సంజయ్ దత్ ప్రమేయం ఉందంటూ రుజువులు దొరకడంతో కోర్టు అతడికి జైలు శిక్ష విధించింది.
టెర్రరిస్ట్ కాదా
సంజు ట్రైలర్ లో దర్శకుడు ఓ డైలాగ్ పెట్టాడు. నేను పోకిరిని, కానీ టెర్రరిస్ట్ కాదు అనే డైలాగ్ చాలా ఆసక్తికరంగా ఉంది. సంజయ్ దత్ పై ఉన్న అభియోగాలని తోసిపుచ్చి వాటితో సంజయ్ దత్ కు సంబంధం లేదనే విషయాన్ని దర్శకుడు ఎలా చూపిస్తాడు అనేది కూడా కీలకమే.