మళ్లీ ప్రేమలో దర్శకుడు.. భార్యకు విడాకులు..గోవా సుందరితో డేటింగ్!

సారా టాడ్‌తో డేటింగ్

కొంతకాలంగా ఉత్తర గోవాలో రెస్టారెంట్ నిర్వహించే సెలబ్రిటీ చెఫ్, సారా టాడ్‌తో ఇంతియాజ్ అలీ ప్రేమలో మునిగి తేలుతున్నాడు. సమయం చిక్కినప్పుడల్లా వారిద్దరూ కలిసి మీడియా కంటపడుతున్నారు. ఎన్నో వంటల పుస్తకాలు రాసిన సారా టాడ్‌తో డేటింగ్ చేయడం బాలీవుడ్ పత్రికలకు పంటపండినట్టయింది.

ఒంటరితనం వీడి జంటగా

ఇంతియాజ్ అలీ, సారా అభిరుచులు ఒకేలా ఉండటం కారణంగా వారిద్దరూ ఒకటయ్యారని వారి సన్నిహితులు చెప్పుకొంటున్నారు. ఇంతియాజ్‌కు, సారాకు ట్రావెలింగ్, ఫుడ్ అంటే చాలా ఇష్టం. ఈ రెండు అంశాలు వారిద్దరిని కలిపాయి. ప్రైవేట్ జీవితాన్ని ఆస్వాదించే ఇంతియాజ్ ఇప్పుడు ఆమెతో ప్రేమలో పడ్డాక బాహ్య ప్రపంచంలోకి కనపడుతున్నాడు. అయితే వారి పెళ్లిపై ఇంకా క్లారిటీ లేదు అనేది బాలీవుడ్ పత్రికల కథనం.

సోషల్ మీడియాలో వైరల్

సారా, ఇంతియాజ్‌ కలిసి బీచ్‌లో తీసుకొన్న ఫోటో సోషల్ మీడియాలోకి రావడంతో వారి డేటింగ్ వ్యవహారం బయటకి వచ్చింది. ఇంతియాజ్ కంపెనీని బాగా ఆస్వాదిస్తున్నాను అని ఆ ఫోటోను స్వయంగా సారానే పోస్ట్ చేయడం గమనార్హం.

భార్యకు విడాకులు

గతంలో ప్రీతీ అలీ అనే ఫిల్మ్ మేకర్‌ను ఇంతియాజ్ పెళ్లి చేసుకొన్నాడు. 2012లో వారిద్దరూ విడాకులు తీసుకొన్నారు. ఆ తర్వాత దేవేందర్ గర్చా‌తో ఆరేళ్లపాటు ప్రేమాయణం సాగించారు. ప్రస్తుతం సారాతో పరిచయం ప్రేమగా మారింది.

షాహిద్ కపూర్‌తో చిత్రం

సినిమాల పరంగా ఇంతియాజ్ అలీ షాహీద్ కపూర్‌తో సినిమాను ప్రారంభించనున్నారు. త్వరలోనే ఈ సినిమా సెట్స్‌పైకి వెళ్లనున్నది.