బాలీవుడ్ స్టార్ హీరో హృతిక్ రోషన్ కుటుంబంలో విషాదం!

రాజేష్ ఖన్నా మూవీతో కెరీర్ ప్రారంభం

1974లో వచ్చిన రాజేష్ ఖన్నా చిత్రం ‘ఆప్ కి కసమ్' మూవీతో జె ఓం ప్రకాష్ దర్శకుడిగా కెరీర్ ప్రారంభించారు. ఈ చిత్రం భారీ విజయం అందుకుంది. ఈ చిత్రంలో నటీనటుల పెర్ఫార్మెన్స్‌కు విమర్శకుల ప్రశంసలు అందాయి. మ్యూజికల్‌గా కూడా ఇది విజయం సాధించింది.

జితేంద్రతో హిట్ చిత్రాలు చేసిన ఓం ప్రకాష్

జితేంద్రతో ఆప్నా బనా లో(1982), అప్నాపన్(1977), ఆశా(1980), అర్పన్ (1983), ఆత్మీ ఖిలోనా హై (1993) లాంటి చిత్రాలు చేశారు. ఓం ప్రకాష్ నిర్మాణంలో వచ్చిన ఆయీ మిలన్ కి బేలా(1964), ఆస్ కా పంచి(1961), ఆయే దిన్ బాహక్ కె (1966), ఆంఖో ఆంఖో మే(1972), ఆయే సావన్ ఝూం కె(1969) మంచి విజయం అందుకున్నాయి.

తాతయ్య గురించి హృతిక్

ఓం ప్రకాష్ కూతురు పింకీ వివాహం బాలీవుడ్ దర్శక నిర్మాత రాకేష్ రోషన్‌తో జరిగింది. వీరి సంతానమే హృతిక్ రోషన్. హృతిక్ రోషన్ తన ట్విట్టర్లో తాతయ్య ఫోటోలు షేర్ చేస్తూ...‘మై సూపర్ టీచర్' అంటూ పేర్కొన్నారు. ఆయన వద్ద ఎన్నో విషయాలు నేర్చుకున్నాను. ఆయన చెప్పిన విషయాలు నాలో ఆత్మవిశ్వాసం, ధైర్యాన్ని పెంచాయని తెలిపారు.

కారు బహుమతిగా..

తాతయ్యకు హృతిక్ రోషన్ చాలా క్లోజ్. 2016లో తాత కోసం లగ్జరీ కారు బహుమతిగా ఇచ్చారు. చిన్నప్పటి నుంచి ఆయన వద్దే పెరగడంతో తాతకు ఏ కారు ఇష్టమో బాగా తెలుసు. ఆయన ఎప్పటి నుంచో కొనాలని అనుకుంటున్న(మెర్సిడెజ్ బెంజ్) కారును బహుమతిగా ఇచ్చి సర్‌ప్రైజ్ చేశారు.