‘నా సినిమాలన్నీ హిట్టయితే నా భార్య దూరం అయ్యేది’

మొదటి సినిమా తర్వాత వ్యక్తిగత జీవితంపై ప్రభావం

వరుస విజయాలు, ఫేమ్ రావడం మీ వ్యక్తిగత జీవితంపై ఎఫెక్ట్ చూపాయా? అనే ప్రశ్నకు ఆయుష్మాన్ స్పందిస్తూ ‘తొలి సినిమా తర్వాత నా పర్సనల్ లైఫ్ మీద చాలా ప్రభావం పడింది. నా ఫ్యామిలీకి టైమ్ కేటాయించలేని పరిస్థితి ఏర్పడింది. దీంతో మా కాపురంలో కొన్ని విబేధాలు వచ్చాయి అని ఆయుష్మాన్ తెలిపారు.

ఐదేళ్ల కెరీర్లో ఎన్నో ఎత్తు పల్లాలు

ఐదేళ్ల నా సినీ జీవితంలో ఎన్నో ఎత్తు పల్లాలు చూశాను. విజయాలు, అపజయాలు పలకరించాయి. వీటిని బ్యాలెన్స్ చేసుకుంటూ ముందుకు సాగాను. వీటి వల్ల జీవితంలో ఎన్నో విషయాలు నేర్చుకున్నాను అని ఆయుష్మాన్ తెలిపారు.

అన్ని హిట్టయితే నా భార్య వదిలేసేది

నాజాయితీగా చెప్పాలంటే.... నా సినిమాలన్నీ హిట్టయి ఉంటే నా భార్య తాహిరా నన్ను వదిలేసేది. ఇపుడు నేను చాలా మారిపోయి ఉండేవాడిని. అలా జరుగక పోవడానికి కారణం నా భార్య నాకు అన్ని సందర్భాల్లో తోడుగా ఉంది, కష్టాల్లో, సుఖాల్లో పాలుపంచుకుంది. అందుకే మేము ఇంకా కలిసి ఉన్నాం అని ఆయుష్మాన్ తెలిపారు.

ఫ్యామిలీ ఎంతో ముఖ్యం

ఒక వ్యక్తిని ఫ్యామిలీ అనేది ఎంతో ముఖ్యం. మనకు చివరి వరకు తోడుండేది కుటుంబం మాత్రమే. దీన్ని నమ్ముకుని ముందుకు సాగితే జీవితాంతం ఎంతో ధైర్యంగా ఉండొచ్చు అని ఆయుష్మాన్ ఖురానా తెలిపారు.

మొదట్లో చాలా ఫీలయ్యేది

నా చుట్టూ ఫీమేల్ అటెన్షన్ చూసి మొదట్లో నా భార్య చాలా ఫీలయ్యేది. అసహనానికి గురయ్యేది. అయితే ఇపుడుచాలా మారింది. త్వరలో ఓ షార్ట్ ఫిల్మ్ లో నటించబోతోంది. దీని తర్వాత ఓ ఫీచర్ ఫిల్మ్‌కు దర్శకత్వం వహించబోతోంది. ఆమె కూడా నటిగా మారడం వల్ల ఇవన్నీ అర్థం చేసుకోగలుగుతోంది అని ఆయుష్మాన్ తెలిపారు.