For Quick Alerts
    ALLOW NOTIFICATIONS  
    For Daily Alerts

    మీటూ దెబ్బకు ప్రముఖ మ్యూజిక్ డైరెక్టర్ అవుట్.. మంత్రి జోక్యంతో వికెట్ పడింది ఇలా..

    |

    లైంగిక వేధింపులను వ్యతిరేకిస్తూ సాగుతున్న మీటూ ఉద్యమ ప్రభావంతో బాలీవుడ్‌‌లో మరో వికెట్ పడింది. కొద్దిరోజులుగా తనపై కొందరు సినీ తారలు, గాయనీమణులు చేస్తున్న ఆరోపణల నేపథ్యంలో ప్రముఖ సంగీత దర్శకుడు అనుమాలిక్ పాపులర్ షో ఇండియన్ ఐడల్ 11 నుంచి తప్పుకోవడం సెన్సేషనల్ క్రియేట్ చేసింది. ఈ విషయాన్ని ప్రముఖ చానెల్, వార్త సంస్థలు కూడా ధృవీకరించాయి. వివరాల్లోకి వెళితే..

    అనుమాలిక్‌ను వెంటాడిన మీటూ

    అనుమాలిక్‌ను వెంటాడిన మీటూ

    ప్రముఖ గాయకుడు, సంగీత దర్శకుడు అనుమాలిక్‌కు తీవ్రమైన పరిస్థితులు వెంటాడుతున్నాయి. బాలీవుడ్‌కు చెందిన సింగర్లు సోనా మహాపాత్ర, నేహా బాసిన్, అలీషా చినాయ్, శ్వేతా పండిట్ లాంటి ఇటీవల కాలంలో ఆయనపై పదునైన విమర్శనాస్త్రాలు సంధిస్తూ వస్తున్నారు. అయితే తనపై వస్తున్న లైంగిక ఆరోపణల్లో ఏ ఒక్కటి కూడా వాస్తవం కాదు. అన్నీ తప్పుడు ఆరోపణలే అని అనుమాలిక్ కొద్దిరోజుల క్రితం సోషల్ మీడియాలో పోస్టు పెట్టారు.

    మంత్రి సృతి ఇరాని దృష్టికి

    మంత్రి సృతి ఇరాని దృష్టికి

    అనుమాలిక్ అంశాన్ని జాతీయ మహిళా కమిషన్ సుమోటో కేసుగా తీసుకోవడంపై సోనా మహాపాత్ర ఘాటుగా స్పందించారు. కొందరు మహిళలను తమకు జరిగిన అన్యాయాన్ని బహిరంగ పరిచినా.. సోని టీవీ పట్టించుకోవడం లేదు. ఈ విషయంలో మహిళా, శిశు సంక్షేమ శాఖ మంత్రి స్మృతి ఇరానీ జోక్యం చేసుకోవాలని సోనా పాత్ర ట్వీట్ చేశారు. ఎందరో మహిళలను చెప్పుకొన్న బాధను కేంద్ర మంత్రి కూడా చదువాలి అని ఆమె ట్వీట్‌లో పేర్కొన్నారు.

    సోని టెలివిజన్‌కు నోటీసులు

    అయితే పలువురు సింగర్లు చేసిన ఆరోపణలను జాతీయ మహిళా కమిషన్ సుమోటోగా స్వీకరించి కేసు నమోదు చేయడంతో కథ అడ్డం తిరిగింది. అనంతరం సోని టెలివిజన్‌కు జాతీయ మహిళా కమిషన్‌ నోటీసులు జారీ చేశారు. దాంతో సోని టీవీ కూడా తీవ్రంగా పరిగణించింది. దాంతో సోని టెలివిజన్ నిర్వహించే ఇండియన్ ఐడల్ 11 కార్యక్రమం నుంచి అనుమాలిక్‌ తప్పుకోవడం జరిగింది.

    #CineBox : RRR Update : Olivia Morris Pairup With Jr. NTR In RRR Movie !
     అను మాలిక్ జడ్జీగా తప్పుకోవడం..

    అను మాలిక్ జడ్జీగా తప్పుకోవడం..

    సోని టెలివిజన్ నిర్వహించే ఇండియన్ ఐడల్ 11 కార్యక్రమం నుంచి అనుమాలిక్ తప్పుకొన్నారు. ఇక నుంచి జడ్జీగా ఆయన వ్యవహరించబోరు అని సోని నిర్వాహకులు జాతీయ వార్తా సంస్థకు వెల్లడించారు. పాపులర్ షో నుంచి ఆయన తప్పుకొన్నారనే వార్త నిజమే అని వారు ధృవీకరించారు. అయితే ఆయన స్థానంలో మరో సెలబ్రిటీ ఎవరనే విషయాన్ని ఇంకా గోప్యంగానే ఉంచడం గమనార్హం.

    English summary
    Bollywood's popular Music Director and Singer Anu Malik steps down from Indian Idol 11. Several singers Sona Mohapatra to Neha Bhasin and Alisha China to Shweta Pandit had come forth with disturbing accounts of sexual misconduct against Malik.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X