వంద మంది ఉన్నారు, ఏది సెక్సువల్ హరాస్మెంట్?: తనుశ్రీ దత్తా ఆరోపణలపై నాానా పాటేకర్

నా పని నేను చేసుకుంటూ వెళతాను

నానా పాటేకర్ కొన్ని రోజులుగా పేద, కరువు ప్రభావిత రైతులకు సహాయం చేస్తూ మంచి పేరు తెచ్చుకుంటున్నారు. ‘ఎవరు నాపై ఎలాంటి ఆరోపణలు చేసినా నేను చేసే పని చేసుకుంటూ వెళతాను' అని నానా పాటేకర్ అన్నారు.

తనుశ్రీ దత్తా తీవ్ర ఆరోపణలు

ఇటీవల ఓ టీవీ ఛానల్ ఇంటర్వ్యూలో తనుశ్రీ దత్తా #మీటూ అంశం ప్రస్తావనకు వచ్చినపుడు పదేళ్ల క్రితం ‘హార్న్ ఓకే ప్లీజ్' అనే సినిమా షూటింగ్‌లో నానా పాటేకర్ తనతో అసభ్యంగా ప్రవర్తించాడని, తనపై సెక్సువల్ హరాస్మెంటుకు పాల్పడంటూ సంచలన ఆరోపణలు చేసిన సంగతి తెలిసిందే. తనను బలవంతంగా చేయి పట్టుకుని లాగుతూ నీకు డాన్స్ నేర్పిస్తాను అంటూ అసభ్యంగా తాకాడని ఆతనుశ్రీ ఆరోపించారు.

ఆ పార్టీ మనుషులను పంపారు

తనను వేధించడమే కాకుండా అతడి అడ్వాన్సెస్ రిజస్ట్ చేసినందుకు.... రాజ్ థాకరే నేతృత్వంలోని మహారాష్ట్ర నవ నిర్మాణ సేనకు చెందిన మనుషులను పంపి బెదిరించారని, తన కారుపై దాడి చేయించారని తనుశ్రీ దత్తా ఆరోపించారు.

నానా పాటేకర్‌కు మద్దతు

అయితే తనుశ్రీ దత్తా ఆరోపణలను ‘హార్న్ ఓకే ప్లీజ్' సినిమా యూనిట్ ఖండించింది. దర్శకుడు రాకేష్ సారంగ్, ఆ సమయంలో సెట్స్ లో ఉన్న నృత్య దర్శకుడు గణేష్ ఆచార్య మాట్లాడుతూ నానా పాటేకర్ తప్పుగా ప్రవర్తించినట్లు తనుశ్రీ దత్తా చేసిన ఆరోపణల్లో నిజం లేదన్నారు.