సుశాంత్ మరణం కేసులో మరో ఇద్దరికి షాక్.. సిద్దార్థ్ పితాని అరెస్ట్ తర్వాత మరోసారి ఎన్సీబీ పంజా

ఈడీ ఆదేశాలతో రంగంలోకి ఎన్సీబీ

అనుమానాస్పదంగాను, సంచలనంగా మారిన సుశాంత్ సింగ్ రాజ్‌పుత్ మరణం కేసులో అసలు విషయాలు బయటకు తీసుకురావడానికి ఈడీ రంగంలోకి దిగింది. అయితే ఈడీ ఆదేశాల మేరకు సుశాంత్ మరణం వెనుక ఏదైనా డ్రగ్స్ మాఫియాకు లింకు ఉందానే అనే కోణంలో ఎన్సీబీ దర్యాప్తు చేపట్టింది. డ్రగ్స్ వినియోగం, నిల్వ, సరఫరా లాంటి అంశాలపై తీవ్రంగా పరిగణించి.. కేసు దర్యాప్తును ముమ్మరం చేసింది.

సుశాంత్ పని మనుషులకు సమన్లు

హైదరాబాద్‌లో సిద్దార్థ్ పితానిని అరెస్ట్ చేసిన తర్వాత తన కస్టడీలో ఉంచుకొని విచారిస్తున్నది. ఈ క్రమంలో సుశాంత్ ఇంటిలో పని మనుషులుగా ఉన్న నీరజ్, కేశవ్‌ను ప్రశ్నించేందుకు ఎన్సీబీ ఆదివారం సమన్లు జారీ చేసింది. ఈ విషయాన్ని మీడియాకు అధికారులు స్వయంగా వెల్లడించారు.

ఎన్సీబీ ధృవీకరణతో

సుశాంత్ సింగ్ రాజ్‌పుత్‌ మరణంతో లింకు ఉన్న డ్రగ్స్ కేసులో మరిన్ని వివరాలను సేకరిస్తున్నాం. ఆ క్రమంలోనే నీరజ్, కేశవ్‌కు సమన్లు జారీ చేశాం. సిద్దార్థ్ అరెస్ట్ తర్వాత ఈ కేసులో వీరిద్దరి పాత్ర కూడా కీలకంగా మారింది. అందుకే వారికి సమన్లు జారీ చేశాం అని ఎన్సీబీ అధికారులు స్పష్టం చేశారు.

Recommended Video

Sushant Singh Rajput: తప్పించుకు తిరుగుతున్న సుశాంత్ సింగ్ రాజ్‌పుత్‌ స్నేహితుడు రిషికేష్ పవార్...!!

సిద్దార్థ్ పితానిపై పలు సెక్షన్లతో కేసు నమోదు

సిద్దార్థ్ పితానిని హైదరాబాద్‌లో అరెస్ట్ చేసిన తర్వాత NDPS Act, 1985 కింద పలు సెక్షన్లతో కేసు నమోదు చేశారు. జూన్ 1వ తేదీ వరకు అతడిని కస్టడీకి అప్పగించడంతో పితానిని స్టేట్‌మెంట్‌ను రికార్డు చేశారు. నీరజ్, కేశవ్‌తోపాటు పితానిని కూడా కలిపి ప్రశ్నించే అవకాశాలు లేకపోలేవనే విషయాన్ని మీడియా వర్గాలు స్పష్టం చేస్తున్నాయి.