రజనీకాంత్‌తో సల్మాన్ నువ్వా? నేనా?.. బాక్సాఫీస్‌కు ఇత్తడే..

కాలా విడుదల వాయిదా

వాస్తవానికి కాలా చిత్రం ఏప్రిల్ 27న రిలీజ్ కావాల్సి ఉంది. కానీ తమిళ చిత్ర పరిశ్రమలో సమ్మె కారణంగా కాలా చిత్రం వాయిదా పడింది. అయితే ఈ చిత్రాన్ని జూన్ 27న విడుదల చేయాలని నిర్ణయించారు. లైకా ప్రొడక్షన్ రూపొందించే ఈ చిత్రంలో బాలీవుడ్ నటులు హ్యుమా ఖురేసి, నానా పాటేకర్ నటిస్తున్నారు. ఇంకా నానా పాటేకర్, షియాజీ షిండే, సముద్రఖని తదితరులు కీలకపాత్రలు పోషిస్తున్నారు.

డైరెక్టర్‌గా పా రంజిత్

కాలా చిత్రం తమిళ, తెలుగు, హిందీ భాషల్లో రూపొందుతున్నది. కబాలి దర్శకుడు పా రంజిత్ ఈ సినిమాకు దర్శకత్వం వహిస్తున్నారు. సంతోష్ నారాయణ్ సంగీతాన్ని అందిస్తున్నారు.

జూన్ 27న రేస్3 చిత్రం

కాగా ఇదే జూన్ 27న సల్మాన్ ఖాన్ నటించిన రేస్3 చిత్రం కూడా రిలీజ్ కానున్నది. రెమో డిసౌజా దర్శకత్వం వహించిన ఈ చిత్రంలో బాబీ డియోల్, జాక్వలైన్ ఫెర్నాండేజ్, సాఖిబ్ సలీమ్, డౌసీషా, అనిల్ కపూర్, ఫ్రెడ్డీ దారువాలా తదితరులు నటిస్తున్నారు.

బాక్సాఫీస్ దడదడ..

కాలా, రేస్3 చిత్రాలు రంజాన్ పండుగ నేపథ్యంలో రిలీజ్ కానున్నాయనే వార్త బయటకు రావడంతో సినీ వర్గాల్లో చర్చ ప్రారంభమైంది. ఉత్తరాదిలో రేస్3 చిత్రానికి మంచి కలెక్షన్లు వచ్చే అవకాశం ఉండగా, దక్షిణాదిలో రజనీకాంత్ వసూళ్ల రారాజుగా నిలిచే అవకాశం ఉంది. ఈ రెండు సినిమాలు హిట్టయితే సినీ పరిశ్రమలో పండుగ వాతావరణం నెలకొనే అవకాశం ఉంటుంది.