వేషాల కోసం శరీరాన్ని అమ్ముకోవద్దు.. క్యాస్టింగ్ కౌచ్‌పై రవికిషన్

వేధింపులు సాధారణం

సినీ రంగంలో లైంగిక వేధింపులు తప్పక ఉంటాయి. వేషాల కోసం అమ్మాయిలను పడక గదిలో రమ్మనే సంస్కృతి ఉంది. ఇది ఈ రంగానికే పరిమితం కాదు అని రవి కిషన్ అన్నారు. ఆంగ్ల దినపత్రికకు ఇచ్చిన రవి కిషన్‌ ఇంటర్వ్యూ సంచలనంగా మారింది.

క్యాస్టింగ్ కౌచ్ ఆటలో భాగం

సినీ పరిశ్రమలో క్యాస్టింగ్ కౌచ్ అనేది ఓ భాగం. ఇది ఓ ఆటలాంటింది. ఇలాంటి పరిస్థితుల్లో పడకుండా ఎలా ఉండాలో ప్రతి ఒక్కరు తెలుసుకోవాలి. పరిస్థితులకు అనుగుణంగా మెదులుకోవాలి. ఇలాంటి ముప్పు నుంచి ప్రతీ ఒక్కరు తమను తాము కాపాడుకోవాలి అని రవి కిషన్ అన్నారు.

పక్కలో పడుకొంటే

సినీ పరిశ్రమలో ఇలాంటి చర్యలపై వేగంగా స్పందించాల్సిన అవసరం ఉంది. ఒకరి పక్కలో పడుకొని వేషాలు సంపాదిస్తే జీవితంలో ముందుకు వెళ్లలేవు. అలాంటి పనులు చేస్తే భవిష్యత్ ఉండదు. మనల్ని మనం అమ్ముకుంటే కెరీర్‌లో పురోగతి ఉండదు అని రవి కిషన్ పేర్కొన్నారు.

మానసికంగా పతనం

అవకాశాల కోసం దిగజారితే పరిశ్రమలో గుర్తింపు ఉండదు. మానసికంగా నీకు నీవు పతనం అవుతావు. ఆత్మ విశ్వాసం సన్నగిల్లుతుంది. ప్రతీ క్షణం మనం సాధించిన విషయాలను బేరీజు వేసుకోవాలి అని రవి కిషన్ సూచించారు.