ప్రముఖ దర్శకురాలు కన్నుమూత.. తీవ్ర విషాదంలో బాలీవుడ్

రుడాలి చిత్ర దర్శకురాలిగా

కల్పనా లాజ్మి దర్శకత్వం వహించిన రుడాలి చిత్రం సినీ విమర్శకుల ప్రశంసలు, అత్యంత ప్రజాదరణను పొందింది. ఈ చిత్రం అవార్డులను, రివార్డులను గెలుచుకొన్నది. ఆ తర్వాత దర్మియాన్, ఇన్ బిట్వీన్, దామన్ లాంటి చిత్రాలకు ఆమె దర్శకత్వం వహించారు. ఆమె చివరిగా దర్శకత్వం వహించిన చిత్రం చింగారి 2006లో విడుదలైంది. ఈ చిత్రంలో మిథున్ చక్రవర్తి, సుస్మితా సేన్, అనుజ్ స్వాహ్ని నటించారు.

భూపేన్ హజారికాతో సహజీవనం

ప్రముఖ దర్శకుడు, నిర్మాత, నటుడు గురు దత్‌కు ఆమె మేనకోడలు. ప్రఖ్యాత దర్శకుడు శ్యామ్ బెనగల్‌కు అసిస్టెంట్ డైరెక్టర్‌గా పనిచేయడం ద్వారా సినీ పరిశ్రమలోకి ప్రవేశించారు. అస్సామీ గాయకుడు భూపేన్ హజారికాతో ఆమె సహజీవనం చేశారు. భూపేన్ 2011లో మరణించిన తర్వాత ఆమె ఒంటరి జీవితాన్ని అనుభవించారు.

అండగా నిలిచిన అమీర్ ఖాన్, తదితరులు

కిడ్నీ క్యాన్సర్ కారణంగా ఆమె చికిత్స పొందుతున్న సమయంలో అమీర్ ఖాన్, రోహిత్ శెట్టి ఆదుకొన్నారు. ప్రతి నెల ఆమె డయాలిసిస్ కోసం 2.5 లక్షలు ఖర్చయ్యేది. ఆ సమయంలోనే ఇండియన్ ఫిల్మ్స్ అండ్ టెలివజిన్ డైరెక్టర్స్ అసోసియేషన్, అమీర్, శెట్టిలు అండగా నిలిచారు.

హ్యూమా ఖురేషి ట్వీట్

కల్పనా లాజ్మి మనల్ని వదిలివెళ్లారు. ఆదివారం ఉదయం మరణించారు. ఆమె మరణవార్తతో తీవ్ర విషాదంలో మునిగిపోయాను అని బాలీవుడ్ నటి హ్యూమా ఖురేషి ట్వీట్ చేశారు.

నా ప్రియ నేస్తం ఇకలేరు

నా ప్రియమైన నేస్తం కల్పనా లాజ్మి కన్నుముశారు. ఆమె ఈ ప్రపంచాన్ని వీడి మరో మంచి ప్రపంచానికి వెళ్లిపోయారు. ఆమె లేని లోటు తీర్చ లేనిది అని సోని రజ్దాన్ ట్వీట్ చేశారు.