పాక్‌లో దుమ్మురేపుతున్న రేస్3.. కరాచీలో కిక్కిరిసిన థియేటర్లు!

సల్మాన్ ఖాన్ నటించిన రేస్3 చిత్రం పాకిస్థాన్‌లో ఇటీవల విడుదలైంది. ఇండియాలో సినీ విమర్శకులు, ఓ వర్గం ప్రేక్షకుల ఆదరణకు నోచుకోలేకపోయినప్పటికీ మంచి కలెక్షన్లను రాబట్టింది. పాకిస్థాన్‌లో రేస్3 చిత్రానికి అద్భుతమైన స్పందన లభిస్తున్నదని సినీ విమర్శకుడు ఉమేర్ సంధూ ట్వీట్ చేశారు.

రేస్3 చిత్రం శనివారం (జూన్23న) రిలీజైంది. సోషల్ మీడియాలో నెగిటివ్ టాక్ ఉన్నప్పటికీ ఈ చిత్రం బంపర్ ఓపెనింగ్స్ సాధిస్తున్నది. పాకిస్థాన్‌లో ప్రేక్షకులు బ్రహ్మరధం పడుతున్నారు. కిక్కిరిసిన ప్రేక్షకులతో మార్నింగ్, మ్యాట్నీ షోలు ప్యాక్ అయిపోయాయి. లాహోర్, కరాచీలో ఈ సినిమాకు బ్రహ్మండమైన స్పందన వ్యక్తమవుతున్నది.