Don't Miss!
- News Nita ambani సెంటిమెంట్: బల్కంపేట ఎల్లమ్మను దర్శించుకుని.. ఆపై!!
- Finance Stock Market: భారీ లాభాల్లో విహరిస్తున్న సెన్సెక్స్-నిఫ్టీ.. అంతా బుల్స్ హవాతోనే..
- Sports SRH vs MI: ఆ దిగ్గజ క్రికెటర్ వల్లనే చరిత్ర సృష్టించా- అభిషేక్ శర్మ
- Automobiles ఫ్రీ బస్సులో వాటికి ప్రత్యేకంగా సీటు.. బామ్మ, మనవరాలికి షాక్ ఇచ్చిన బస్ కండక్టర్..
- Lifestyle Car Vastu Tips: కారు ఉందా అయితే ఈ వాస్తు నియమాలు పాటించండి..ఈ డైరెక్షన్ లో పార్క్ చేస్తే
- Technology Poco నుంచి F సిరీస్ లో కొత్త ఫోన్! స్పెసిఫికేషన్లు లీక్, వివరాలు
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
మరో వివాదంలో సంజయ్ దత్.. ఇరుకున పెట్టిన మహారాష్ట్ర మంత్రి
బాలీవుడ్ నటుడు సంజయ్ దత్ మరోసారి రాజకీయ దుమారంలో చిక్కుకున్నాడు. జైలు నుంచి విడుదలయ్యాక సినిమాలపై పూర్తి స్థాయిలో దృష్టిపెట్టిన సంజూ బాబా తనకు ప్రమేయం లేకుండానే వివాదానికి కేంద్ర బిందువుగా మారారు. తనకు సంబంధంలేని వార్తలకు పుల్స్టాప్ పెట్టడానికి సంజయ్ మీడియాలో ప్రకటన చేయడంతో ఆ వివాదానికి తెరపడేలా చేసింది. సంజూని చుట్టుముట్టిన వివాదం ఏమిటంటే..
మహారాష్ట్ర మంత్రి వ్యాఖ్యలతో
మహారాష్ట్ర సంకీర్ణ ప్రభుత్వంలో భాగస్వామిగా ఉన్న రాష్ట్రీయ సమాజ్ పక్ష (ఆర్ఎస్పీ) చీఫ్, మంత్రి మహదేవ్ జంకర్ వ్యాఖ్యలు మీడియాలో పతాక శీర్షికను ఆకర్షించాయి. త్వరలోనే సంజయ్ దత్ మా పార్టీలో చేరుతున్నారు. అందుకు ముహుర్తం సెప్టెంబర్ 25గా నిర్ణయించాం అని ప్రకటన చేయడంతో సంజు బాబా ఇరుకున పడ్డారు.
రంగంలోకి సంజయ్ దత్
సంజయ్ దత్ ఆర్ఎస్పీలో చేరుతున్నారనే వార్త మీడియాలో వైరల్ కావడం, రాష్ట్రమంతటా ఆ వార్తపై విపరీతమైన చర్చ జరుగుతుండటంతో సంజయ్ దత్ రంగంలోకి దిగాడు. తన రాజకీయ ప్రవేశంపై వివరణ ఇస్తూ.. నేను ఏ రాజకీయ పార్టీలో చేరడం లేదు. మంత్రి జంకర్ నాకు ప్రియమైన స్నేహితుడు. సోదరుడిలాంటి వారు. రాజకీయాల్లో ఆయన విశేషంగా రాణించాలని ఆకాంక్షిస్తున్నాను అని సంజయ్ దత్ ఓ ప్రకటనలో తెలిపారు.
వీడియోలో సంజయ్ దత్
సంజయ్ దత్ రిలీజ్ చేసిన వీడియో సోషల్ మీడియాలో ట్రెండింగ్ మారింది. ప్రస్తుతం నేను ఈ స్థాయిలో ఉన్నానంటే కారణం మిస్టర్ జంకర్ మాత్రమే. అందుకు నేను రుణపడి ఉంటాను. కానీ ప్రస్తుతం రాజకీయాలపై నాకు ఆసక్తి లేదు అంటూ సంజయ్ వీడియోలో తెలిపారు. దాంతో రాజకీయ ప్రవేశంపై అనేక సందేహాలు, అనుమానాలకు తెరపడ్డాయి.
20న ప్రస్థానం సినిమా రిలీజ్
ఇక సినిమా కెరీర్ విషయానికి వస్తే... తెలుగులో ఘన విజయం సాధించిన ప్రస్థానం సినిమా రీమేక్లో సంజయ్ దత్ నటించారు. ఈ చిత్రం సెప్టెంబర్ 20న రిలీజ్ కానున్నది. దేవకట్ట దర్శకత్వం వహిస్తున్న ఈ చిత్రంలో మనీషా కోయిరాల, జాకీ ష్రాఫ్, చంకీ పాండే, అమీరా దస్తర్ నటిస్తున్నారు. సంజయ్ దత్ భార్య మాన్యత దత్ నిర్మాతగా వ్యవహరిస్తున్నారు.