రణబీర్‌ లుక్ ‘సంజు’లా మార్చడానికి ఎంత కష్టపడ్డారో.. (మేకింగ్ వీడియో)

‘సంజు’ లుక్ మేకింగ్ వీడియో

రణబీర్ కపూర్ టు సంజయ్ దత్ ట్రాన్స్ఫర్మేషన్ ఎలా జరిగిందో వివరిస్తూ ఓ వీడియో విడుదల చేశారు. వాస్తవానికి మొదట ఈ సినిమాలో రణబీర్‌ను హీరోగా అనుకున్నపుడు రూపంలో కానీ, సైజులో కానీ సంజయ్‌తో ఏ మాత్రం పోలికలేని ఈ యంగ్ స్టార్ ఎలా సూటవుతాడో? అని చాలా మంది అనుమాన పడ్డారట. కానీ దర్శకుడు రాజ్ కుమార్ విజన్ వేరు... అతడైతేనే ఈ పాత్రకు బాగా సూట్ అవుతాడని గట్టిగా ఫిక్స్ అయ్యాడు. అందరూ అసాధ్యం అనుకున్న దాన్ని సుసాధ్యం చేసి చూపించాడు.

అదో పెద్ద సవాల్

తాజా వీడియోలో దర్శకుడు రాజ్ కుమార్ హిరానీ మాట్లాడుతూ..... ‘సంజయ్‌ దత్‌ బయోపిక్‌ను తెరకెక్కించాలని నిర్ణయించుకున్నప్పుడు.. ఎవర్ని ఈ పాత్ర కోసం తీసుకోవాలి? అనేది మాకు పెద్ద సవాల్‌గా మారింది. స్మార్ట్ హీరో అయిన రణబీర్ ఫైనల్ అయిన తర్వాత అతడిని బలంగా ఉండే సంజయ్‌ మాదిరిగా మార్చడానికి చాలా కష్టపడ్డాం. దాని కోసం రణ్‌బీర్‌ చాలా శ్రమించాడు అని తెలిపారు.

సంజయ్‌ లుక్‌ను సాధించలేకపోతే సినిమా ఆపేయాలి అనుకున్నాం

రాజు సార్ నాకు ఈ సినిమా గురించి చెప్పినపుడు ఎగ్జైటింగ్‌గా ఫీలయ్యాను. నేను ఎప్పటికీ సంజయ్‌లా మారలేను, ఆయన ప్రత్యేకం. దీంతో నాకు చాలా భయాలు ఉండేవి. ఎలా ఆ పాత్ర చేయగలను అనుకునేవాడిని. సంజయ్‌ లుక్‌ను సాధించలేకపోతే సినిమా ఆపేయాలి అనుకున్నాం' అని రణ్‌బీర్‌ గుర్తు చేసుకున్నారు.

బాక్సాఫీసు వద్ద ‘సంజు' సంచలనం

జూన్ 29ప విడుదలైన ‘సంజు' మూబీ బాక్సాఫీసు వద్ద సంచలనాలు నమోదు చేస్తోంది. తొలి వారం రూ. 200 కోట్లు రాబట్టింది. ఈ చిత్రం ఫుల్ రన్‌లో రూ. 500 నుండి రూ. 700 కోట్లు వసూలు చేస్తుందని అంచనా వేస్తున్నారు.