బడా ప్లాన్ లో కరణ్ జోహార్.. బిగ్ బాస్ కోసం రాజ్ కుంద్రా కేసు, షోలోకి ఆమె ఎంట్రీ?

భలే ప్లాన్ లో కరణ్ జోహార్

ఆగస్టు 8 నుండి 'బిగ్ బాస్ ఓటీటీ' వూట్ యాప్‌లో ప్రసారం చేయబడుతుందని చెబుతున్నారు. ఓటీటీలో ఫిల్మ్ మేకర్ కరణ్ జోహార్ ఈ షోని హోస్ట్ చేస్తారు. తాజాగా అందుతున్న సమాచారం మేరకు బాలీవుడ్ నటి శిల్పా శెట్టి సోదరి షమితా శెట్టి కూడా 'బిగ్ బాస్ ఓటీటీ' లో కనిపించడం ఖాయం అని అంటున్నారు. ఇటీవల, 'బిగ్ బాస్ ఓటీటీ' లో కనిపించబోయే 12 మంది పోటీదారుల జాబితా వెల్లడైంది, అయితే టీవీ నటుడు మనస్వి వశిష్ట్ తాను షోలో భాగం కావడం లేదని ప్రకటించారు.

గందరగోళంలో

ఈ కారణంగానే షమితా శెట్టి 12 వ పోటీదారుగా ప్రవేశించబోతున్నారు అంటూ పెద్ద ఎత్తున ప్రచారం జరుగుతోంది. ఇందులో నిజానిజాలు ఏమేరకు ఉన్నాయి అనేది మాత్రం తెలియాల్సి ఉంది. నిజానికి షమితా శెట్టి 2009 సంవత్సరంలో 'బిగ్ బాస్' లో పాల్గొంది, కానీ శిల్పా శెట్టి వివాహం కారణంగా, ఆమె షో అర్ధాంతరంగా వదిలి ఇంటి నుండి బయటకు వచ్చింది. అశ్లీల కేసులో శిల్పా శెట్టి భర్త రాజ్ కుంద్రా అరెస్ట్ అయిన తర్వాత ప్రస్తుతం షెట్టి కుటుంబం వార్తల్లో ఉంది. ఈ విషయం కారణంగా, షమితా శెట్టి వ్యక్తిగత జీవితంలో కూడా గందరగోళం నెలకొంది. అదే సమయంలో, ఆమెకు 'బిగ్ బాస్ ఓటీటీ' లో ఆఫర్ వచ్చిందని అంటున్నారు.

12 వ పోటీదారుగా షమితా శెట్టి

అయితే ఆమె కుటుంబం, అక్క కుతుంబం అంతా ఇలాంటి కష్ట సమయంలో ఉండడంతో షోలో ఆమె ప్రజల ముందు ఎలా వస్తుందో ఇప్పుడు చూడాల్సిన విషయం. గతంలో 'బిగ్ బాస్ ఓటీటీ' లో, నేహా భాసిన్, అనూష దండేకర్, కరణ్ నాథ్, నేహా మాలిక్, రిద్ధిమా పండిట్, దివ్య అగర్వాల్, ప్రతీక్ సెహజ్‌పాల్, ఉర్ఫీ జావేద్, అక్షర సింగ్ మరియు జీషన్ అలీ మరియు పవిత్ర లక్ష్మి 11 మంది పోటీదారులు అంటూ ప్రచారం జరుగుతోంది. ఇక ఇప్పుడు షమితా శెట్టి 12 వ పోటీదారుగా కనిపిస్తుందని అంటున్నారు. ఇక షమితా శెట్టి 2000 సంవత్సరంలో 'మొహబ్బతీన్' చిత్రంతో బాలీవుడ్‌లోకి అడుగుపెట్టింది.

సినిమాలు వర్కౌట్ కాలే

ఆ తర్వాత షమితా శెట్టి అనేక చిత్రాలలో కనిపించింది. అయితే, షమితా శెట్టి సినిమాల్లో పెద్దగా విజయం సాధించలేదు. షమితా శెట్టి 'kలక్ దిఖ్లా జా' మరియు 'ఖత్రోన్ కే ఖిలాడి' వంటి రియాలిటీ షోలలో కనిపించింది. ఇక షమితా శెట్టి 2009 లో 'బిగ్ బాస్' లో పాల్గొన్నప్పుడు షో హోస్ట్ గా అమితాబ్ బచ్చన్ ఉన్నారు. ఆసక్తికరంగా, ఈసారి కరణ్ జోహార్ 'బిగ్ బాస్ ఓటీటీ' కి హోస్ట్ చేస్తున్నారు. ఇక ఇదే షోను సల్మాన్ ఖాన్ ఆరు వారాల తర్వాత టీవీలో 'బిగ్ బాస్ 15'గా హోస్ట్ చేస్తారు. శిల్పా శెట్టిని సల్మాన్ ఖాన్‌కు అత్యంత సన్నిహితురాలిగా భావిస్తారు. అటువంటి పరిస్థితిలో, సల్మాన్ ఖాన్ షమితా శెట్టితో ఎలా వ్యవహరిస్తుందో చూడటం మీద జనాల్లో ఆసక్తి నెలకొని ఉంటుంది. షమితా శెట్టి 'బిగ్ బాస్ 3' లో పాల్గొన్నారు మరియు 42 వ రోజు షో నుండి తన స్వంత ఇష్టంతో బయటకు వచ్చింది. ఇక షమితా శెట్టికి ఇప్పటికే 'బిగ్ బాస్' అనుభవం ఉన్నందున మిగిలిన కంటెస్టెంట్‌లపై విజయం సాధిస్తుందనడంలో సందేహం లేదు.

Recommended Video

#RIPDilipKumar: Bollywood Legend ట్రాజెడీ కింగ్.. అత్యధిక అవార్డులు గెలుచుని గిన్నిస్ రికార్డు

అక్కకి అండగా

ఇక ఆగష్టు 2 న, శిల్పా శెట్టి పోర్న్ వీడియో కేసులో రాజ్ కుంద్రా అరెస్ట్ తర్వాత తన మొదటి ప్రకటనను విడుదల చేసింది. శిల్ప పోస్ట్‌పై వ్యాఖ్యానిస్తూ, షమిత, "ఐ లవ్ యు మై ముంకీ మరియు మీతో ఎల్లప్పుడూ, కష్ట నష్టాలలో మీ వెంటనే ఉంటాను అంటూ ఆమె పేర్కొంది. అశ్లీల చిత్రాలను సృష్టించినందుకు మరియు కొన్ని యాప్‌ల ద్వారా ప్రచురించినందుకు రాజ్ కుంద్రాపై నమోదైన కేసుకి సంబంధించి ఆయన అరెస్టయ్యారు. అయితే ఈ వ్యవహారం ఇప్పటికే అనేక మలుపులు తిరుగుతోంది. మరి చూడాల్సి ఉంది. మున్ముందు ఇంకెన్ని ట్విస్టులు చోటు చేసుకోనున్నాయి అనేది.

బాలీవుడ్, దక్షిణాది సినిమాకు సంబంధించిన తాజా వార్తలకు, తారల ఇంటర్యూలకు, ఫోటోగ్యాలరీలు, సినిమా ఈవెంట్లు, వివాదాస్పద అంశాలకు సంంధించిన వార్తా విశ్లేషణలకు ఫేస్‌బుక్, ట్విట్టర్ , ఇన్స్‌టాగ్రామ్ అకౌంట్లను ఫాలో అవ్వండి.