ప్రియాంక చోప్రా ఫ్యామిలీలో ఊహించని పరిణామాలు.. అక్కడ పెళ్లి, ఇక్కడ పెటాకులు?

బ్రేకప్ జరిగింది అనడానికి ఇది సంకేతమా?

ఇషితా తాజాగా ఓ రెస్టారెంట్లో దిగిన ఫోటో షేర్ చేస్తూ ‘‘ఒక అందమైన ముగింపు తర్వాత... నా జీవితం ఇప్పుడు మళ్లీ కొత్తగా మొదలైంది'' అంటూ క్యాప్షన్ పెట్టారు. ఇషితా పోస్టుకు ఆమె తల్లి నిధి కుమార్ రియాక్ట్ అవుతూ.. ‘పాత పుస్తకం మూసేసి.. కొత్తగా రాయి' అని కామెంట్ పెట్టారు. ‘మేము నీకు తోడుగా ఉన్నాం' అంటూ తండ్రి మరో కామెంట్ పెట్టారు. ఈ పోస్ట్ సిద్ధార్థ్ చోప్రా, ఇషితా మధ్య బ్రేకప్ జరిగింది అనడానికి సంకేతంగా భావిస్తున్నారు.

రోకా సెర్మనీ ఫోటోలు డిలీట్ చేసిన ఇషిత

కొన్ని రోజుల క్రితం ఇషితా రోకా సెర్మనీకి సంబంధించిన ఫోటోలు షేర్ చేశారు. ‘‘చాలా ఫన్‌గా సాగింది. ఈ వేడుకను ఎంతో స్పెషల్‌గా మార్చిన అందరికీ థాంక్స్. నేను పెళ్లి చేసుకుంటున్నాననే విషయం నమ్మలేకపోతున్నాను' అంటూ క్యాప్షన్ పెట్టారు. తర్వాత కొన్ని రోజుల తర్వాత ఆసుపత్రిలో చికిత్స జరుగుతున్న ఫోటోలు షేర్ చేశారు. కట్ చేస్తే తాజాగా ఇషితా సోషల్ మీడియా పేజీ నుంచి రోకా సెర్మనీకి సంబంధించిన, సిద్ధార్థ్ చోప్రాతో కలిసి దిగిన ఫోటోలు మాయం అయ్యాయి.

పరిస్థితి మొత్తం తారుమారైంది

ప్రియాంక చోప్రా ఫిబ్రవరిలో జరిగిన సిద్దార్థ్-ఇషితా రోకా సెర్మనీకి హాజరయ్యారు. ఇషితను తమ ఫ్యామిలీలోకి ఇన్వైట్ చేస్తూ కొన్ని ఫోటోలు కూడా షేర్ చేశారు. ‘‘నా తమ్ముడిని చూస్తుంటే గర్వంగా ఉంది. ఇషితాను మా ఫ్యామిలీలోకి ఆహ్వానిస్తున్నాను. మీ జంట చాలా అందంగా ఉంది. మీ భవిష్యత్తు బావుండాలని కోరుకుంటున్నాను.'' అని ట్వీట్ చేశారు. అయితే ఇపుడు పరిస్థితి మొత్తం తారుమారైంది.

అక్కడేమో మరో పెళ్లి జరిగిపోయింది

ప్రియాంక సోదరుడి పెళ్లి విషయంలో ఇలా జరిగితే... . మరోపక్క ప్రియాంక భర్త నిక్ జోనస్ సోదరుడు జో జోనస్‌ వివాహం బుధవారం లాస్‌వెగాస్‌లో జరిగింది. హాలీవుడ్‌ నటి సోఫీ టర్నర్‌ను జో జోనస్ ప్రేమ వివాహం చేసుకున్నారు. ఈ ఇద్దరూ గేమ్స్ ఆఫ్ థ్రోన్స్‌లో నటిస్తున్నారు.