సల్మాన్ ఖాన్‌కు తగిన శాస్తి జరిగింది : కండల వీరుడిపై నటి సంచలనం!

సల్మాన్‌కు వ్యతిరేకంగా మాట్లాడటానికి నాకేమీ భయం లేదు

నువ్వు చేసిన కర్మకు ఫలితం ఎప్పటికైనా అనుభవించాల్సిందే. చాలా మంది సల్మాన్ ఖాన్‌కు వ్యతిరేకంగా మాట్లాడటానికి భయ పడుతున్నారు. అతడు బాలీవుడ్‌ను కంట్రోల్ చేస్తాడు అనేది చాలా మంది అభిప్రాయం. అలాంటి భయాలే నాకేమీ లేవు. అందుకే నిర్బయంగా నా అభిప్రాయాన్ని వెల్లడిస్తున్నాను అని సోఫియా హయత్ తెలిపారు.

ఒక బాధ్యత గల స్టార్‌గా నువ్వు చేసేది ఏమిటి?

సినిమా నటులను పిల్లలు, యువతరం నిరతరం పరిశీలిస్తూ, వారిని పాలో అవుతూ ఉంటారు. ఒక బాధ్యత గల స్థానంలో ఉన్న నువ్వు ఇలాంటి నేరాలు చేయడం ద్వారా వారికి ఎలాంటి సందేశం ఇవ్వ దలుచుకున్నావు? సినిమా సెలబ్రిటీ అయినంత మాత్రాన చట్టాలను అతిక్రమింస్తావా? అటవీ జంతువులను చంపుతావా? ఇతర దేశాల్లో అయితే ఇలాంటి పనులు చేస్తే అత్యంత నీచంగా చూస్తారు... అంటూ సోఫియా మండి పడింది.

అందుకే అలాంటివి చేస్తున్నాడు

తను చేసిన తప్పులను కడిగేసుకోవాలనే ఉద్దేశ్యంతో సల్మాన్ సేవా కార్యక్రమాలు చేస్తున్నాడు. ఈ రోజు ఇండియా మొత్తం చూస్తోంది. చట్టానికి ఎవరూ అతీతులు కాదు. నువ్వు ఎంత పెద్ద స్థానంలో ఉన్నా సరే తప్పు చేస్తే శిక్ష అనుభవించాల్సిందే.... అని సోఫియా హయత్ చెప్పుకొచ్చారు.

చాలా మంది డబ్బు బలంతో...

ఇండియాలో చాలా మంది యువకులు ఇతరుల నేరాల గురించి పోలీసులకు వెళ్లి చెప్పడానికి భయపడుతున్నారని నేను విన్నాను. కొందరు తమ డబ్బు, పలుకుబడి ఉపయోగించి ఎలా బయటకు వస్తున్నారో రోజూ టీవీల్లో చూపిస్తూనే ఉన్నారు... అన సోఫియా హయత్ తెలిపారు.

నా విషయంలోనూ జరిగింది

ఇలాంటి సంఘటన నా విషయంలో కూడా జరిగింది. అర్మాన్ కోహ్లి నా లాయర్లను కొనేసి నేను కేసులో కంటిన్యూ కాకుండా చేశారు. డాలీ బింద్రా కూడా నాతో చెప్పారు అర్మాన్ ఫ్యామిలీ చాలా పరవ్‌ఫుల్ నిన్ను ఏదో ఒక కేసులో నన్ను ఇరికించి జైలుకు పంపిస్తారని భయపెట్టారు. దీంతో నేను అపుడు కేసు వెనక్కి తీసుకోక తప్పలేదు అని సోఫియా హయత్ తెలిపారు. కానీ ఈ రోజు ఇండియాలో అలాంటి పరిస్థితి లేదు. నేరం చేసిన వ్యక్తి ఎంతటి పెద్దవాడైనా, ఎంత డబ్బున్నా శిక్షార్హులే అని తేలిపోయింది అని సోఫియా హయత్ తెలిపారు.