షారుక్ పరువు తీస్తున్నావు.. ఏంటీ ఆ డ్రస్సు? సుహానాపై దారుణంగా ట్రోల్స్

న్యూయార్క్ వర్సిటీ హాట్‌‌గా సుహానా

సుహానా ఖాన్ ఇటీవల న్యూయార్క్ యూనివర్సిటీలో చేరడంతో వారి తల్లిదండ్రులు షారుక్, గౌరీఖాన్ ఆమెను యూనివర్సిటీలో చేర్పించి వచ్చారు. యూనివర్సిటీ తరగతులకు హాజరైన సుహానా కురచ దుస్తులతో కనిపించింది. చేతిలో కాఫీ మగ్గు పట్టుకొని నవ్వుతున్న ఫోటో మీడియాలో టాప్‌గా నిలిచింది. ఆ ఫోటో ప్రస్తుతం సోషల్ మీడియాలో ట్రెండ్ అవుతున్నది.

కుటుంబ ప్రతిష్టపై దెబ్బ అంటూ

అయితే ఇన్స్‌టాగ్రామ్‌లో సుహానా షేర్ చేసిన కామెంట్లపై అభిమానులు రకరకాలుగా స్పందించారు. షారుక్ ఖాన్ పరువు తీస్తున్నావు. కుటుంబం ప్రతిష్టను దెబ్బ తీస్తున్నావు అంటూ నెటిజన్లు ఘాటుగా స్పందించారు. కొందరు చాలా హాట్‌గా ఉన్నావంటూ కామెంట్లు చేశారు. మరికొందరు శృతిమించి అసభ్యంగా కామెంట్ చేశారు.

సుహానా ఎంట్రీపై గుసగుసలు

సుహానా ఖాన్ బాలీవుడ్‌‌ ఎంట్రీ గురించి ఎప్పటి నుంచో గుసగుసలు వినిపించాయి. ఆమె స్నేహితులు శన్యా కపూర్, అనన్య పాండే, ఇతరులు బాలీవుడ్‌లో ఎంట్రీ ఇచ్చి హిట్టు కొట్టేశారు. అయితే షారుక్ మాత్రం బాలీవుడ్ ఎంట్రీ గురించి మాట్లాడుతూ.. ఆమె ఎప్పుడు నిర్ణయం తీసుకుంటే అప్పుడే.. ఆ నిర్ణయం ఆమె ఇష్టమేనని చెప్పడం జరిగింది.

షారుక్ సలహా మేరకే

తండ్రి షారుక్ ఖాన్ సూచన, సలహా మేరకు బాలీవుడ్ ఎంట్రీని వాయిదా వేసుకొన్నట్టు సమాచారం. ఉన్నత చదువు పూర్తి చేసిన తర్వాతే సినిమాల్లోకి రావాలని చేసిన సూచన మేరకే సినిమాలకు దూరంగా ఉన్నట్టు తెలిసింది. అయితే థియేటర్‌లో మాత్రం తనదైన శైలిలో రాణిస్తున్నారు. సుహాన నటన విమర్శకుల ప్రశంసలు అందుకొన్నది.

లండన్ థియేటర్‌లో అద్భుత ప్రతిభ

న్యూయార్క్ యూనివర్సిటీలో ఉన్నత చదువులకు వెళ్లే ముందు లండన్‌లో గతేడాది జూలియట్ అనే నాటకంలో నటించింది. ఆ కార్యక్రమానికి షారుక్ ఖాన్ ప్రత్యేకంగా హాజరయ్యారు. లండన్ వేదికపై ఆమె నటనకు మంచి ప్రశంసలు లభించాయి. చదువు పూర్తి చేసుకొన్న తర్వాత ఆమె మళ్లీ యాక్టింగ్‌పై దృష్టిపెట్టే అవకాశం లేకపోలేదంటున్నాయి సినీ వర్గాలు.