ఎంత చెప్పినా వినలేదు.. ఆ హీరో చేత ఏడుసార్లు.. తాప్సీ కామెంట్స్ వైరల్

తాజాగా తప్పడ్‌తో..

తాజాగా తప్పడ్ (చెంపదెబ్బ) అనే చిత్ర ట్రైలర్ విడుదలైంది. మహిళకు ఉండే ఆత్మగౌరవంపై దెబ్బ తగిలితే ఎలా ఉంటుందనే పాయింట్‌తో ఈ చిత్రాన్ని తెరకెక్కించారు. ఇటీవల ఈసినిమా ట్రైలర్ విడుదలై.. వైరల్‌గా మారింది. చెంపదెబ్బ కొట్టాడని భర్తకు విడాకులు ఇచ్చేందుకు భార్య రెడీ అయితే సమాజం ఎలా చూస్తుంది.. కోర్టు ఎలా తీర్పు ఇస్తుంది.. అనే సున్నితమైన అంశాల నేపథ్యంలో తెరకెక్కించినట్టు అర్థమవుతోంది.

ఆ సీనే కీలకం..

ఇందులో తాప్సీ భర్తగా పవైల్ గులాటి నటించాడు. తాజాగా విడుదల చేసిన ట్రైలర్‌తో తాప్సీని చెంపదెబ్బ కొట్టే సీన్ హైలెట్‌గా నిలిచింది. ఆ సీన్‌కు సంబంధించిన షూటింగ్ జరిగిన తీరును వివరిస్తూ.. ఆసక్తికర విషయాల్ని వెల్లడించింది. సినిమాకు చెంపదెబ్బ కొట్టే సీన్ కు అధిక ప్రాధాన్యత ఉండటంతో.. దాన్ని సహజంగా చేయాలని డిసైడ్ అయ్యారట చిత్ర యూనిట్.

ఎంత చెప్పినా వినలేదు..

ఈ సీన్ ఎంత సహజంగా వస్తే.. అంత బాగుంటుందని.. సినిమా చూస్తున్న ప్రేక్షకుడు సహజంగా ఫీల్ కావాలంటే చెంపదెబ్బ సీన్ నేచురల్‌గా ఉండాలని ఫిక్స్ అయినట్టు చెప్పుకొచ్చింది. అందుకే ఆ షాట్ కోసం రెండు రోజులు సమయం తీసుకొని హీరో పవైల్ సిద్ధమయ్యాడని చెప్పింది తాప్సీ. తనను చెంపదెబ్బ కొట్టేందుకు చాలా భయపడటంతో పాటు.. ఇబ్బందిగా ఫీల్ అయ్యేవాడని తెలిపింది. ముందు తనను కొట్టాలని కోరేవాడని, అలా కొడితే భయం పోయి తానూ కొట్టగలనని అనేవాడంటూ చెప్పుకొచ్చింది.

ఏడు సార్లు కొట్టాడు..

ఎన్నిసార్లు చేసినా షాట్ సరిగా రాలేదని.. కొన్నిసార్లు చెంప మీద కొట్టబోయి మెడ మీదా.. చెవి మీదా కొట్టేవాడని తెలిపింది. దీంతో ఈ షాట్ ఓకే కావటం కోసం ఏడుసార్లు చెంప దెబ్బలు తినాల్సి వచ్చిందని తాప్సీ పేర్కొంది. అదే పనిగా షాట్ మీద షాట్ అవుతున్నా.. ఓకే కాక పోవటంతో.. నా గురించి ఆలోచించటం మానేయ్.. గట్టిగా ఒక చెంపదెబ్బ కొట్టు చాలని తాను చెప్పినట్లుగా పేర్కొంది.