ఆడ పిల్లకు అన్యాయం జరిగితే... అమితాబ్ బచ్చన్ ఇలాగేనా మాట్లాడేది?

అమితాబ్ బచ్చన్ ఏమన్నారంటే?

అమితాబ్ బచ్చన్ లాంటి పెద్ద స్టార్ తన విషయంలో స్పందించిన తీరుపై తనుశ్రీ దత్తా అసంతృప్తి వ్యక్తం చేస్తున్నారు. ఇటీవల ‘థగ్స్ ఆఫ్ హిందూస్తాన్' మూవీ ట్రైలర్ లాంచ్ ఈవెంటులో అమితాబ్‌కు ఈ ప్రశ్న ఎదురవ్వగా... నేను తనుశ్రీ దత్తాను కాదు, నానా పాటేకర్ కాదు, అందుకే దీనిపై నేను స్పందించాలనుకోవడం లేదు అంటూ దాటవేశారు.

అమితాబ్ మాటలు బాధించాయి

బిగ్ బి స్పందించిన తీరుపై తనుశ్రీ దత్తా ఓ ఇంటర్వ్యూలో స్పందిస్తూ.....‘ఆయన మాటలు నన్ను చాలా బాధించాయి. సామాజిక అంశాలపై సినిమాలు తీసే ఇలాంటి పెద్ద స్టార్లు ప్రేక్షకులను ప్రశంసలు అందుకుంటారు. కానీ తమ కళ్ల ముందు ఒక ఆడపిల్ల తనకు జరిగిన అన్యాయం గురించి చెబితే పట్టించుకోరు.' అని వ్యాఖ్యానించారు.

దారుణమైన అవమానం, బాలీవుడ్లో అడుగు పెట్టను

నేను బాలీవుడ్‌లోకి రావడానికి ఇలాంటి ఆరోపణలు చేస్తున్నట్లు కొందరు అంటున్నారు. ఇక్కడ నాకు ఇంత అవమానం జరిగిన తర్వాత మళ్లీ బాలీవుడ్లోకి వస్తానని ఎలా అనుకున్నారు. అలాంటి ఉద్దేశ్యమే లేదు. నాకు అమెరికా పౌరసత్వం ఉంది. అక్కడికే వెళ్లిపోతాను.... అని తనుశ్రీ దత్తా వ్యాఖ్యానించారు.

ఎన్నో ఆఫర్లు వచ్చినా వదలుకున్నాను

నాకు ఆ సంఘటన ఎదురైన తర్వాత 30, 40 సినిమాల్లో అవకాశం వచ్చింది. కానీ ఇలాంటి పరిస్థితులు ఉన్న ఇండస్ట్రీలో పని చేయాలనిపించలేదు. అందుకే అవన్నీ వదలుకున్నాను. ప్రజలు కూడా నాకు జరిగిన వేధింపుల విషయాన్ని పట్టించుకోవడం లేదు... అని తనుశ్రీ దత్తా ఆవేదన వ్యక్తం చేశారు.