మీటూ ఆరోపణలతో వణికించిన ఆ బ్యూటీ మళ్ళీ రాబోతోంది.. ఎందుకంటే?

బాలీవుడ్ లో రీ ఎంట్రీ..

ఇక చాలా రోజుల తరువాత తనుశ్రీ దత్తా సోషల్ మీడియాలో తిరిగి వస్తున్నట్లు ప్రకటించారు. ఇన్‌స్టాగ్రామ్ పోస్ట్‌లో త్వరలోనే ఆమె బిగ్ బడ్జెట్ సౌత్ ప్రాజెక్టులతో పాటు బాలీవుడ్ లో కూడా మరికొన్ని సినిమాలు చేయడానికి సిద్ధమవుతోందట. ఇప్పటికే ముంబైలోని 12 కాస్టింగ్ కార్యాలయాల నుంచి పిలుపు వచ్చిందని చెప్పిన అమ్మడు ముగ్గురు పెద్ద సౌత్ ఫిల్మ్ మేనేజర్‌లు కూడా టచ్ లో ఉన్నారని చెప్పింది.

బలాన్ని పెంచుకోబడనికి సిద్దమైన తనూశ్రీ దత్తా

2008లో సీనియర్ నటుడు నానా పటేకర్ తనను లైంగికంగా ఇబ్బంది పెట్టాడని, అసభ్యంగా తాకాడు అంటూ రెండేళ్ల క్రితం అందరిని షాక్ కి గురి చేసిన విషయం తెలిసిందే. అయితే ఆమె ఆరోపణలు చేశాక కేసు నమోదైంది. కానీ నానా పటేకర్ ఎలాంటి తప్పు చేయలేదని క్లీన్ చీట్ వచ్చింది. ఇక చాలా రోజుల తరువాత తనూశ్రీ దత్తా మళ్ళీ బాలీవుడ్ లో తన బలాన్ని పెంచుకోవడానికి సిద్ధమైనట్లు తెలుస్తోంది.

యూఎస్ జాబ్ పై క్లారిటీ

ఇక యూఎస్ జాబ్ పై కూడా ఒక క్లారిటీ ఇచ్చింది. నేను ఎల్ఏలో ఐటి ఉద్యోగం చేస్తున్నానని కొన్ని వార్తలు వైరల్ అయ్యాయి. నిజం ఏమిటంటే యుఎస్ ప్రభుత్వ రక్షణ రంగంలో అద్భుతమైన ఐటి ఉద్యోగ అవకాశాన్ని పొందాను. ఇది చాలా ప్రతిష్టాత్మకమైన ఉద్యోగ అవకాశం. ఈ రంగంలో పనిచేయడం గౌరవంగా ఉండేది. అయితే నేను నా నటనతో మళ్ళీ బిజీ కావాలని అనుకుంటున్నాను. ఈ రక్షణ ఉద్యోగం కోసం నేను 3 సంవత్సరాల పాటు ఒప్పందంపై సంతకం చేయవలసి వచ్చింది.

ఆఫర్స్ చాలానే వస్తున్నాయి

ఇక అనవసరంగా కొందరి కారణంగా అమెరికా వెళ్లాల్సి వచ్చిందని చెప్పిన తను శ్రీ.. ఆందోళన చెందకుండా మళ్ళీ నా సినిమా కెరీర్ తో బిజీ అవ్వాలని అనుకుంటున్నానని అంది. ఇప్పటికే కొన్ని బిగ్ బడ్జెట్ సినిమాలకు గ్రీన్ సిగ్నల్ ఇచ్చాను. అలాగే సౌత్ సినిమాలు కూడా చేయబోతున్నాను. ఇక వెబ్ సిరీస్ ఆఫర్స్ కూడా చాలానే వస్తున్నాయని చెప్పిన తనూశ్రీ దత్తా బాలీవుడ్ లో మళ్ళీ తన రేంజ్ ఏమిటో చూపిస్తానని ధీమా వ్యక్తం చేసింది. మరి ఆమె ఎంతవరకు బిజీ అవుతుందో చూడాలి.