'యురి' చిత్రమే చివరిది.. ఘనవిజయం తర్వాత నటుడు మృతి!

నటుడు మృతి

యురి చిత్రంలో నవతేజ్ హుందాల్ హోమ్ మినిష్టర్ పాత్రలో నటించారు. ఆయన సోమవారం రోజు సాయంత్రం తుదిశ్వాస విడిచారు. నవతేజ్ మృతికి కారణాలు తెలియలేదు. కొన్ని దశాబ్దాలుగా చిత్ర పరిశ్రమలో ఉన్నప్పటికీ నవతేజ్ కు సరైన గుర్తింపు రాలేదు. ఆయన చివరగా నటించిన యురి చిత్రం ఘనవిజయం సాధించింది. కొన్ని సన్నివేశాల్లో మాత్రమే కనిపించినప్పటికీ హోమ్ మినిష్టర్ పాత్రలో నవతేజ్ చక్కగా ఒదిగిపోయారు.

సంతాపం తెలియజేస్తూ

నవతేజ్ మృతి చేసిన విషయాన్ని సినీ అండ్ టీవీ ఆర్టిస్ట్స్ అసోసియేషన్ సంస్థ అధికారికంగా ధృవీకరించింది. నవతేజ్ మృతి పట్ల సంతాపం తెలియజేస్తూ, వారి కుటుంబ సభ్యులకు ప్రఘాడ సానుభూతి తెలియజేసింది. మంగళవారం రోజు నవతేజ్ కు అంత్యక్రియలు నిర్వహించనున్నట్లు ప్రకటించారు. నవతేజ్ కేవలం నటుడిగా మాత్రమే కాక.. నటనలో చాలా మందికి మెళుకువలు నేర్పిస్తూ శిక్షణ అందిస్తున్నారు.

ఇద్దరు కుమార్తెలు

నవతేజ్ సతీమణి పేరు నీలం. ఈ దంపతులకు ఇద్దరు కుమార్తెలు. ఇద్దరు కుమార్తెలలో ఒకరైన అవంతిక హుందాల్ బుల్లి తెర నటిగా రాణిస్తోంది. ఏహ్ హై మహబాతేన్ అనే సీరియల్ లో నటిస్తోంది. ఇక నవతేజ్ ఖల్నాయక్, తేరే మేరె సాప్నే లాంటి విజయవంతమైన చిత్రాల్లో నవతేజ్ నటించాడు. 90 వ దశకం నుంచే నవతేజ్ నటుడిగా కొనసాగుతున్నారు.

అద్భుత విజయం

ఉగ్ర దాడుల అనంతరం ఇండియన్ ఆర్మీ చాలా సైలెంట్ గా పాక్ భూభాగంలోకి ప్రవేశించి ఉగ్ర స్థావరాలని కూల్చి వేసింది. ఇండియన్ ఆర్మీ జరిపిన దాడిలో చాలామంది ఉగ్రవాదులు మరణించారు. ఈ కథని దర్శకుడు ఆదిత్య ధార్ వెండి తెరపై చాలా పవర్ ఫుల్ గా చూపించారు. విక్కీ కౌశల్ ఆర్మీ మేజర్ పాత్రలో అద్భుతంగా నటించాడు.