ప్రియాంక చోప్రా-నిక్ జొనాస్ వివాహానికి ప్రధాని మోడీ?

మోడీ అపాయింట్మెంట్ తీసుకున్న ప్రియాంక

ప్రధాని మోడీని కలిసేందుకు అపాయింట్మెంట్ తీసుకున్న ప్రియాంక చోప్రా ప్రస్తుతం ఢిల్లీలోనే ఉన్నట్లు సమాచారం. నిక్ జొనాస్ ఢిల్లీలో ల్యాండ్ అయిన తర్వాత ఇద్దరూ కలిసి వెళతారట.

వెల్ కం హోం బేబీ

తనను పెళ్లాడేందుకు ఇండియా వస్తున్న నిక్ జొనాస్‌ను ఉద్దేశించి ప్రియాంక ట్విట్టర్లో ఆసక్తికర పోస్ట్ చేశారు. వెల్ కం హోం బేబీ అంటూ తనకు కాబోయే భర్తను సాధరంగా ఆహ్వానించింది.

అమెరికా నుంచి బయల్దేరుతూ నిక్

అమెరికా నుంచి ఇండియా బయల్దేరుతూ నిక్ తన సోషల్ మీడియా పేజీలో ఆసక్తికర వ్యాఖ్యలు చేశారు. న్యూయార్క్ నగరమా... మళ్లీ కలుస్తాను అంటూ పోస్ట్ పెట్టారు.

అతికొద్ది మంది అతిథులు మాత్రమే

జోధ్‌పూర్ ఉమైద్ భవన్‌లో జరిగే వివాహ వేడుకకు 200 మంది అతిథులకు మాత్రమే ఆహ్వానం అందిందట. అయితే పెళ్లి వేడుక తర్వాత ముంబైలో బాలీవుడ్ ప్రముఖుల కోసం గ్రాండ్ వెడ్డింగ్ రిసెప్షన్ ఏర్పాటు చేయబోతున్నారు. అనంతరం లాస్‌ఏంజెలెస్‌లో హాలీవుడ్ ప్రముఖుల కోసం మరో వెడ్డింగ్ రిసెప్షన్ జరుగబోతోంది.

రాల్ఫ్ లోరెన్ దుస్తుల్లో ప్రియాంక చోప్రా

హిందూ వివాహం జరిగే రోజు ప్రియాంక చోప్రా అబు జానీ-సందీప్ ఖోస్లా క్రియేషన్ దుస్తులు ధరించబోతోంది. క్రిస్టియన్ వెడ్డింగ్ రోజు రాల్ఫ్ లోరెన్ డిజైనర్ గౌనులో దర్శనమివ్వబోతోంది.

ఐవరీ సూట్లో నిక్ జొనాస్

క్రిస్టియన్ వెడ్డింగ్ రోజు వరుడు నిక్ జొనాస్ ఐవరీ సూట్లో దర్శనమివ్వబోతున్నాడు. ప్రియాంక రెడ్ కలర్ గౌనులో మెరవబోతోందని తెలుస్తోంది. పెళ్లి వేడుకలో ఇద్దరూ ది మోస్ట్ బ్యూటిఫుల్ జంటగా కనిపించబోతున్నారని టాక్.

సంగీత్ వేడుకలో నిక్ జొనాస్ డాన్స్

పెళ్లికి ముందు జరిగే సంగీత్ వేడుకలో నిక్ జొనాన్స్ సింగింగ్ పెర్ఫార్మెన్స్ ఇవ్వడంతో పాటు పలు బాలీవుడ్ పాటలకు డాన్స్ చేయబోతున్నారట. కొరియోగ్రాఫర్ గణేష్ హెగ్డే ఆధ్వర్యంలో నిక్ జొనాస్ డాన్స్ ప్రాక్టీస్ చేస్తున్నట్లు సమాచారం.